ج.تۇيمەبايەۆ: «دۇنگەندەردىڭ ءبىرازى قىرعىزستان مەن قىتايدا وقىعاندى قۇپ كورەدى»
Dalanews
29 اقپ. 2020 11:31
498
جامبىل وبلىسىنىڭ قورداي اۋدانىنداعى دۇنگەندەر باسىم بولىگى قازاقستان تەلەارنالارىن كورمەيدى. بۇل تۋرالى قازاقستان حالقى اسسامبلەياسى ءتوراعاسىنىڭ ورىنباسارى جانسەيىت تۇيمەبايەۆ نۇر-سۇلتان قالاسىندا وتكەن ەتنوساياساتتىڭ وزەكتى ماسەلەلەرى تۋرالى دوڭگەلەك ۇستەل وتىرىسىندا ايتتى، حابارلايدى RGMEDIA.KZ اقپارات اگەنتتىگى.
– بۇل وڭىردە كورشى ەلدەردىڭ ىقپالى سەزىلەدى. دۇنگەن حالقىنىڭ ەداۋىر بولىگى قىرعىزستان مەن قىتايداعى وقۋ ورىندارىن قۇپ كورەدى، قىرعىز ۇيالى بايلانىس وپەراتورلارى مەن ورىس، قىرعىز جانە جۇڭگو تەلەارنالارىن كورسەتەتىن جەرسەرىكتىك سپۋتنيكتى پايدالانادى، – دەدى جانسەيىت تۇيمەبايەۆ.
ونىڭ ايتۋىنشا، 11-14 اقپان كۇندەرى قحا عىلىمي-ساراپتامالىق كەڭەسىنىڭ ساراپشىلار توبى قورداي اۋدانىنا بارىپ قايتقان.
