جول ەرەجەسٸ ايىپپۇلدارىنىڭ مٶلشەرٸ تٶمەندەدٸ
سونداي-اق, سٸزدٸڭ ەرەجە بۇزعانىڭىز بەينەجازبا قۇرالىنا, نەمەسە رادارعا جازىلسا, پوليتسييا قىزمەتكەرٸ الدىمەن ونى جٷرگٸزۋشٸگە كٶرسەتۋٸ كەرەك. جول قوزعالىسى تۋرالى زاڭعا 50-دەن اسا ٶزگەرٸس ەنگٸزٸلدٸ.
3 شٸلدەدە مەملەكەت باسشىسى جول قوزعالىسى مەسەلەلەرٸ بويىنشا كەيبٸر زاڭنامالىق اكتٸلەرگە تٷزەتۋلەر مەن تولىقتىرۋلار ەنگٸزۋ تۋرالى زاڭعا قول قويدى. ول قۇجات ەرتەڭنەن باستاپ كٷشٸنە ەنەدٸ. جاڭا ەرەجەدە جاڭالىق كٶپ. مەسەلەن, مەرزٸمٸ ٶتكەن جٷرگٸزۋشٸ كۋەلٸگٸن قايتادان الۋ ٷشٸن بۇرىنعىداي ەمتيحان تاپسىرمايدى. سونداي-اق, كٶلٸگٸڭٸزدٸ توقتاتقان كەزدە جول ينسپەكتورلارىنىڭ ەرەكەتٸن ۆيدەوعا تٷسٸرۋگە قۇقىڭىز بار. دەگەنمەن, كەيبٸر ەرەجەر قاتاڭداتىلدى.
«كٶلٸك قۇرالىن ماس كٷيدە باسقارعانى ٷشٸن مٷگەدەكتەردٸ كٶلiك قۇرالدارىن باسقارۋ قۇقىعىنان 3 جىلعا ايىرۋ تٷرٸندەگٸ ەكٸمشٸلٸك جاۋاپكەرشٸلٸك ەنگٸزٸلدٸ. جول بەلگiلەرiمەن نەمەسە جولدىڭ جٷرۋ بٶلiگiندەگi تاڭبالارمەن كٶرسەتiلگەن تالاپتاردى ساقتاماعانى ٷشٸن ايىپپۇل مٶلشەرٸ 5-تەن باستاپ 3 ايلىق ەسەپتٸك كٶرسەتكٸشكە قىسقارتىلدى. ماساڭ كٷيٸن كۋەلاندىرۋدان ٶتۋدەن باس تارتقان ٷشٸن جٷرگٸزۋشٸ كۋەلٸگٸنەن ايىرۋ مەرزٸمٸ 2 جىلدان 3 جىلعا دەيٸن كٶبەيتٸلدٸ», – دەيدٸ ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸنٸڭ بٶلٸم باسشىسى نۇرسەيٸت ەبٸشەۆ.
تاعى بٸر ٶزگەرٸس. كٶلٸگٸڭٸزدٸ توقتاتقان كەزدە جول-پاترۋلدٸك پوليتسييا قىزمەتكەرلەرٸ قاسىڭىزعا كەلٸپ, ٶزٸن تانىستىرعان سوڭ, نە ٷشٸن توقتاتقانىن تٷسٸندٸرۋ كەرەك. سٸزدٸڭ ەرەجە بۇزعانىڭىز بەينەجازبا قۇرالىنا, نەمەسە رادارعا جازىلسا, پوليتسييا قىزمەتكەرٸ الدىمەن ونى جٷرگٸزۋشٸگە كٶرسەتۋٸ كەرەك. ايتپاقشى, ەندٸ ينسپەكتوردىڭ رۇقساتىنسىز كٶلٸكتەن شىعا بەرۋگە بولادى.
جالپى ايىپپۇلدى ازايتۋ مەسەلەسٸن بىلتىر دەپۋتات كەزٸندە مۇحتار تٸنٸكەەۆ كٶتەرٸپ ەدٸ. ٶزٸ كەتسە دە ونىڭ ۇسىنىسى ەسكەرۋسٸز قالماپتى.
قالا ٸشٸندە ارنايى ۆەلوجولاق سالىنباسا دا, ۆەلوسيپەدشٸلەرگە دە تالاپ كٷشەيدٸ. ولارعا جاياۋ جٷرگٸنشٸ جولاعىمەن جٷرۋگە قاتاڭ تيىم سالىندى. ياعني جەتەكتەپ ٶتۋٸ تيٸس. جالپى جول ەرەجەسٸنە باس اياعى 50-دەن اسا ٶزگەرٸس ەنگٸزٸلٸپ وتىر.
دەرەككٶزٸ: nur.kz
https://dalanews.kz/19752
