قۇرىلىس سالاسى قازاقستاننىڭ جالپى ٸشكٸ ٶنٸمٸنٸڭ شامامەن 6%-ىن قۇرايدى. كەيبٸر جىلدارى قۇرىلىس جۇمىستارىنىڭ كٶلەمٸ 15–18%-عا دەيٸن ٶسٸپ, ەكونوميكانىڭ ورتاشا قارقىنىنان وزىپ وتىردى, دەپ حابارلايدى Dalanews.kz.
2019–2024 جىلدار ارالىعىندا ەلدە شامامەن 98 ملن شارشى مەتر تۇرعىن ٷي پايدالانۋعا بەرٸلدٸ. 2025–2026 جىلدارعا مەملەكەت 31,6 ملن شارشى مەتردەن استام تۇرعىن ٷيدٸ پايدالانۋعا بەرۋدٸ, توزىعى جەتكەن تۇرعىن ٷي قورىن جاڭعىرتۋدى جەنە ونداعان مىڭ جەر ۋچاسكەسٸنە ينجەنەرلٸك ينفراقۇرىلىم جٷرگٸزۋدٸ جوسپارلاپ وتىر.
«بٸر قاراعاندا, بەرٸ تاماشا كٶرٸنەدٸ, – دەپ پٸكٸر بٸلدٸرەدٸ Qazaq Expert Club ساراپشىسى سۆەتلانا نۇرتازينا, – الايدا جوبالاردى باسقارۋ سالاسىنىڭ مامانى رەتٸندە مەن قاي تۇستاردى جاقسارتۋ قاجەت ەكەنٸن كٶرٸپ وتىرمىن, سەبەبٸ ەڭگٸمە جٷزدەگەن ميلليارد تەڭگە تۋرالى بولىپ وتىر.
مۇنى جوعارى اۋديتورلىق پالاتانىڭ (جاپ) اۋديتتەرٸ دە راستايدى. تەك 2025 جىلدىڭ ٶزٸندە تەكسەرٸس نەتيجەسٸ بويىنشا اۋديتورلار 24 نىساندا 355 ملرد تەڭگەگە زاڭبۇزۋشىلىقتار انىقتادى. ال 2025 جىلعا دەيٸنگٸ كەزەڭدە 695 ملن دوللار (شامامەن 355 ملرد تەڭگە) كٶلەمٸندە بۇزۋشىلىقتار, سونىڭ ٸشٸندە رەسۋرستاردى تيٸمسٸز پايدالانۋ جەنە جوسپارلاۋ مەسەلەلەرٸ انىقتالعان».
نۇرتازينانىڭ پٸكٸرٸنشە, نەگٸزگٸ سەبەپ — قۇرىلىس جوبالارىن باسقارۋدىڭ ەسكٸرگەن مودەلٸ.
«2018 جىلدان باستاپ قازاقستاندا ۇلتتىق جوبالىق باسقارۋ جٷيەسٸ ەنگٸزٸلدٸ: ٷكٸمەت, مينيسترلٸكتەر جەنە ەكٸمدٸكتەر جانىنان جوبالىق كەڭسەلەر قۇرىلدى. بٸراق ٸس جٷزٸندە كەڭسەلەردٸڭ كٶپشٸلٸگٸ جوبالاردى باسقارمايدى, ولاردى ەكٸمشٸلٸك تۇرعىدا عانا سٷيەمەلدەيدٸ: ەسەپتەر جينايدى, جيىنتىق اقپارات قالىپتاستىرادى, اقپارات ۇسىنۋ مەرزٸمدەرٸن باقىلايدى», – دەپ تولىقتىردى ساراپشى.
ونىڭ ويىنشا, جاعدايدى ٶزگەرتە الاتىن نەگٸزگٸ قادام — جوبانى باسقارۋعا مانداتى بار, شەشٸمدەرگە, مەرزٸمدەرگە, بيۋدجەتكە جەنە جوبانىڭ ارحيتەكتۋراسىنا ىقپال ەتە الاتىن باسقارۋشىلىق بۋىندى ەنگٸزۋ.
«سونىمەن قاتار جەدەل باسقارۋشىلىق شەشٸمدەر دە مٷمكٸن, – دەيدٸ سۆەتلانا. – بۇل — جوبالىق-سمەتالىق قۇجاتتامانى ەزٸرلەۋ پروتسەسٸن جوبالىق كەڭسەنٸڭ سٷيەمەلدەۋٸ, قۇرىلىس-مونتاج جۇمىستارى كەزەڭٸندە باقىلاۋ نٷكتەلەرٸندە تۇراقتى رەۆيۋ ٶتكٸزۋ, تەك مەرزٸمدەر مەن بيۋدجەتتٸ عانا ەمەس, شەشٸمدەردٸڭ ٶمٸرشەڭدٸگٸن دە تالداۋ».
ماتەريال Qazaq Expert Club قۇرىلىس سالاسىنداعى ساراپشىسى سۆەتلانا نۇرتازينانىڭ پٸكٸرٸنە نەگٸزدەلٸپ دايىندالدى.
