پرەزيدەنتتىڭ بيىلعى جىلدى «جۇمىسشى ماماندىقتار جىلى» دەپ جاريالاۋىنا بايلانىستى تالدىقورعان قالاسىندا جۇمىسشى مامانداردى تاجىريبەدەن وتكىزەتىن ورتالىق سالۋ جوسپارلانىپ وتىر،- دەپ حابارلايدى Dalanews.kz 

نىساننىڭ قۇرىلىسى بيىل باستالىپ، كەلەسى جىلى بىتەدى. ورتالىقتىڭ پراكتيكالىق ساباقتارى جاڭا تەحنولوگيا نەگىزىندە وقىتىلادى.

وبلىستىق ءبىلىم باسقارماسىنىڭ مالىمەتى بويىنشا وڭىردەگى 9 كوللەدجدە 14 جاڭا ماماندىق اشىلعان. بۇل رەتتە زامان تالابىنا ساي دانەكەرلەۋشى، مەحانيك، بالىق زاۋىتىنىڭ تەحنولوگى، اككۋمۋلياتور زاۋىتىنىڭ تەحنولوگى، دروندى ۇشىرا الاتىن، سيفرلىق تەحنولوگيانى ىسكە قوساتىن ماماندار دايارلاۋعا باسا نازار اۋدارىلىپ وتىر. كەربۇلاق اۋدانىندا جاڭادان اشىلىپ جاتقان ءوندىرىس وشاقتارىنىڭ ءبىرى تاۋ-كەن مەتاللۋرگيا كومبيناتى وزدەرىنە كەرەكتى مامانداردى دايىندايتىن تەحنيكالىق كوللەدج اشۋ جۇمىستارىن جۇرگىزۋدە.

ەسكە سالساق، وڭىردە «جاڭا ماماندىقتار اتلاسى» بەكىتىلگەن بولاتىن. وندا ەڭبەك نارىعى مەن ءوڭىردىڭ ەكونوميكاسىن دامىتۋ تالاپتارى ەسكەرىلە وتىرىپ، 5 نەگىزگى باعىتقا – اۋىل شارۋاشىلىعى، وڭدەۋ ونەركاسىبى، تۋريزم يندۋسترياسى، اقپاراتتىق-كوممۋنيكاسيالىق تەحنولوگيالار، ەنەرگەتيكا جانە جاڭارتىلاتىن ەنەرگيا كوزدەرى سالالارىنا باعدارلانعان.