سىبايلاس جەمقورلىققا قارسى قىزمەت جەتىسۋ وبلىسى اقسۋ اۋداندىق سوتىنىڭ ءتوراعاسى نۇرلان شايمەردەنوۆكە قاتىستى تەرگەۋ باستالعانىن راستادى. ول جەمقورلىق جاسادى دەگەن كۇدىككە ءىلىندى، دەپ حابارلايدى Dalanews.kz.
“انتيكور جەتىسۋ وبلىسى اقسۋ اۋداندىق سوتىنىڭ ءتوراعاسىنا قاتىستى جەمقورلىق كۇدىگىمەن تەرگەۋ باستالعانىن راستايدى”، – دەپ مالىمدەدى ۆەدومستۆونىڭ باسپا ءسوز قىزمەتى.
قازىرگى ۋاقىتتا تەرگەۋ امالدارى جالعاسىپ جاتىر. قىلمىستىق-پروسەستىك كودەكستىڭ 201-بابىنا سايكەس وزگە مالىمەتتەر جاريا ەتىلمەيدى.
ەسكە سالايىق، بۇعان دەيىن اقسۋ اۋداندىق سوتىنىڭ ءتوراعاسى نۇرلان شايمەردەنوۆكە قاتىستى تەرگەۋ جۇرگىزىلىپ جاتقانى حابارلانعان بولاتىن.
ايتا كەتەيىك، نۇرلان شايمەردەنوۆ بۇل قىزمەتكە 2021 جىلدىڭ جەلتوقسانىندا تاعايىندالعان.
