تۇركىستان وبلىسى جەتىساي اۋدانىندا بيىل ۇزىندىعى 32،8 شاقىرىمدى قۇرايتىن 38 كوشەگە ورتاشا جوندەۋ جۇمىستارى جۇرگىزىلەدى. قازىرگى تاڭدا ونىڭ 25،7 شاقىرىمدى قۇرايتىن 32 كوشەسى تولىق اياقتالعان. ەلدى مەكەن كوشەلەرىن ورتاشا جوندەۋدەن وتكىزۋگە وبلىستىق جانە جەرگىلىكتى بيۋدجەتتەن قارجى قارالىپ وتىر، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

سونداي-اق، «اۋىل – ەل بەسىگى» باعدارلاماسى اياسىندا اسىقاتا كەنتى جانە قازىبەك بي، وركەندى، دوستىق ەلدى مەكەندەرى بويىنشا 41،9 شاقىرىمدى قۇرايتىن 67 كوشەگە ورتاشا جوندەۋ جۇمىستارى جۇرگىزىلۋدە. قازىرگى تاڭدا 8 كوشەدەگى 6،6 شاقىرىمداعى جۇمىستار تولىق اياقتالعان.

بۇدان بولەك، اۋدان بويىنشا جالپى ۇزىندىعى 13،2 شاقىرىمدى قۇرايتىن 24 كوشەگە اعىمداعى جوندەۋ (تاس توسەۋ) جۇمىستارى جۇرگىزىلگەن. كوشەلەرگە اياقجول سالۋ بويىنشا 5،47 شاقىرىمدى قۇرايتىن 6 كوشەدە ءتيىستى جۇمىستار اتقارىلۋدا.

ايتا كەتەيىك، جەتىساي اۋدانىنداعى كولىك جولدارىنىڭ جالپى ۇزىندىعى 365،3 شاقىرىمدى قۇرايدى. ونىڭ 43،6 شاقىرىمى – رەسپۋبليكالىق، 210،4 شاقىرىمى – وبلىستىق، 111،3 شاقىرىم – اۋداندىق ماڭىزى بار جولدار .