كەزدەسۋدى اشىپ جۇرگىزىپ وتىرعان «سانالى ۇرپاق» رەسپۋبليكالىق جوبالىق كەڭسەسىنىڭ باسشىسى قايىرجان توقىشيەۆ اتالعان ۋنيۆەرسيتەتتىڭ قازاقستان جوعارى وقۋ ورىندارى اراسىندا ءبىرىنشى بولىپ رەسپۋبليكالىق «سانالى ۇرپاق» جوبالىق كەڭسەسىنىڭ سىبايلاس جەمقورلىققا قارسى ءىس-قيمىل ساياساتىن قولداپ، جەمقورلىقسىز ورتا قالىپتاستىرۋ جولىنداعى باستاماسى بۇگىندە قىزۋ قولداۋ تاۋىپ وتىرعانىن اتاپ كورسەتتى.
وسىنداي ماقساتتى دا جەمىستى جۇمىستىڭ ارقاسىندا اباي ۋنيۆەرسيتەتى «ەۆروسەرت» كومپانياسىنىڭ يسو 37001-2016 ستاندارتىنىڭ حالىقارالىق سايكەستىك سەرتيفيكاتىنا رەسپۋبليكادا ءبىرىنشى بولىپ قول جەتكىزدى. ءوز كەزەگىندە قايىرجان توقىشيەۆ «بۇگىن ءبىز ۋنيۆەرسيتەتتىڭ سىبايلاس جەمقورلىققا قارسى ءىس-قيمىل تاجىريبەسىن ورتاعا سالۋ ءۇشىن وسى كەزدەسۋدى ۇيىمدىستىرىپ وتىرمىز» دەگەن قايرجان توقىشيەۆ العاشقى ءسوزدى اباي اتىنداعى قازاق ۇلتتىق پەداگوگيكالىق ۋنيۆەرسيتەتى كەاق باسقارماسىنىڭ ءتوراعاسى - رەكتورى دارحان نۇرلان ۇلى ءبىلالوۆقا بەردى.
دارحان ءبىلالوۆ ءوز سوزىندە ۋنيۆەرسيتەتتەگى سىبايلاس جەمقورلىق كورىنىستەرىنە قارسى كۇرەس، اكادەميالىق ادالدىق پرينسيپتەرىن ساقتاۋ جونىندەگى ءىس-شارالار ءبىلىم جانە عىلىم مينيستىرلىگىنىڭ نۇسقاۋلىقتارى تالاپتارىنا ساي جانە الماتى قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ رەسپۋبليكالىق «سانالى ۇرپاق» جوبالىق كەڭسەسىمەن بىرگە بەكىتكەن كەشەندى جوسپارى نەگىزىندە جۇرگىزىلەتىنىن اتاپ كورسەتتى.
ۋنيۆەرسيتەتتە جەمقورلىققا قارسى ءىس-قيمىل جونىندەگى كەڭەس جۇمىس ىستەيدى. 2019 جىلى ق ر سىبايلاس جەمقورلىققا قارسى ءىس-قيمىل اگەنتتىگىنىڭ «سانالى ۇرپاق» جوبالىق كەڭسەسىنىڭ ۇسىنىسىمەن جول بەرىلۋى مۇمكىن جەمقورلىق كورىنىستەرىنىڭ الدىن الۋ، ستۋدەنت جاستاردىڭ جەمقورلىققا قارسى دۇنيەتانىمى مەن مادەنيەتىن، ىزگىلىگىن قالىپتاستىرۋ ماقساتىمەن ۋنيۆەرسيتەتتە «پاراسات» ورتالىعى قۇرىلدى. بۇل ورتالىقتىڭ باستاماسىمەن حالىقارالىق يسو 37001-2016 ستاندارتىنا جەمقورلىققا قارسى ءىس-قيمىل جونىندەگى مەنەدجمەنت جۇيەسى ەنگىزىلدى.
ستۋدەنتتەردىڭ جەمقورلىققا قارسى ءىس-قيمىل مادەنيەتىن قالىپتاستىرۋ ماقساتىمەن باكالاۆرياتتىڭ 2-3 كۋرستارىنا ەلەكتيۆتى ءپان رەتىندە «قۇقىق جانە جەمقورلىققا قارسى ءىس-قيمىل مادەنيەتى» ءپانى وقۋ باعدارلاماسىنا ەنگىزىلدى. تاريح جانە قۇقىق ينستيتۋتىنىڭ ديپلوم جۇمىستارىنا، ماگيسترلىك جانە دوكتورلىق ديسەرتاسيالارىنا جەمقورلىققا قارسى ءىس-قيمىل ماسەلەلەرىنە ارنالعان جاڭا تاقىرىپتار ەنگىزىلدى. ءبىلىم الۋشىلاردىڭ ديپلومدىق جۇمىستارىن، ديسەرتاسيالارىن، وقىتۋشىلاردىڭ عىلىمي ماقالالارىن «انتيپلاگيات» ارناۋلى باعدارلاماسى بويىنشا تەسەرۋ جۇيەسى جۇمىس ىستەي باستادى.
2019-2020 وقۋ جىلىنان باستاپ ارالىق جانە قورىتىندى اتتەستاتتاۋ، ماگيستراتۋرا مەن دوكتورانتۋراعا ءتۇسۋ ەمتيحاندارى كەزىندە سينحروندى Google Meet جانە اسيحروندى وەس پروكتورينگى پايدالانىلا باستادى. 2020-2021 وقۋ جىلىندا AERO جۇيەسى بويىنشا كومپيۋتەرلىك تەستىلەۋ، Oqylyq جۇيەسى ارقىلى جازباشا ەمتيحان تاپسىرۋ جۇزەگە اسىرىلدى. قىسقى ەمتيحاننىڭ قورىتىندىسى بويىنشا «اكادەميالىق ادالدىق كودەكسىنىڭ» تالاپتارىن ساقتاماعانى ءۇشىن 38 ستۋدەنتكە ەسكەرتۋ جاسالدى، كودەكستى بۇزعانى ءۇشىن 5 ستۋدەنت وقۋدان شىعارىلدى. كوكتەمگى سەسسيا كەزىندە كودەكس تالاپتارىن بۇزعانى ءۇشىن بىرنەشە ءبىلىم الۋشى ەمتيحاننان شىعارىلدى. ءوز مىندەتتەرىن جاقسى اتقارعان وقىتۋشىلار مەن قىزمەتكەرلەرگە مورالدىق جانە ماتەريالدىق قولداۋ كورسەتۋ تاجىريبەسى ەنگىزىلىپ وتىر.
رەكتور دارحان ءبىلالوۆ ءوز سوزىندە سىبايلاس جەمقولىققا قارسى بۇدان باسقا دا كوپتەگەن يگىلىكتى ءىس-شارالار جۇزەگە اسىرىلىپ جاتقانىن اتاپ كورسەتتى.
الماتى قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى مۇرات احمەتوۆ اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ اتالعان سالاداعى جۇمىسىنا قاناعاتتانعاندىق سەزىمىن ءبىلدىرىپ، رەكتور دارحان ءبىلالوۆقا العىسىن ايتتى.
رەكتور دارحان ءبىلالوۆ پەن دەپارتامەنت باسشىسى مۇرات احمەتوۆ سىبايلاس جەمقورلىققا قارسى ءىس-قيمىل جوسپارىنا قول قويدى.
كەزدەسۋگە الماتى قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ ، «سانالى ۇرپاق» رەسپۋبليكالىق جوبالىق كەڭسەسىنىڭ ، اباي ۋنيۆەرسيتەتىندەگى «پاراسات» ورتالىعىنىڭ قىزمەتكەرلەرى قاتىستى.
مىرزاحان احمەتوۆ، اباي اتىنداعى قازۇپۋ قوعاممەن بايلانىس ءبولىمىنىڭ باستىعى،
