Telegram-ارنالاردا سالتانات نٷكەنوۆانى اياۋسىز ۇرىپ ٶلتٸردٸ دەگەن ايىپ تاعىلعان قۋاندىق بيشٸمباەۆ سوت زالىنان شىققان سەتتٸڭ سۋرەتٸ مەن ۆيدەوسى تارادى, - دەپ حابارلايدى Dalanews.kz.
بٷگٸنگٸ الدىن-الا تىڭداۋ بارىسىندا ايىپتاۋ اكتٸسٸنە سەيكەس ماڭىزدى اقپاراتتار ايتىلدى.
سوت تىڭداۋى بارىسىندا پروكۋرور ايجان ايماعانوۆا بيشٸمباەۆقا قاتىستى ايىپتاۋ اكتٸسٸن وقىدى. ول ەكس-مينيستر مەن نٷكەنوۆانىڭ اراسىندا رەسمي نەكە بولماعانىن مەلٸمدەدٸ.
سونىمەن قاتار, ايىپتاۋشى تاراپ بيشٸمباەۆ مارقۇمنىڭ تەلەفون قوڭىراۋلارىن باقىلاپ, وعان جۇمىس ٸستەۋگە تىيىم سالىپ, ونى تولىعىمەن قارجىلىق جاعىنان تەۋەلدٸ ەتكەنٸن ايتادى. پروكۋروردىڭ سٶزٸنشە, ول قىزعانىشتان جٷيەلٸ تٷردە فيزيكالىق زورلىق-زومبىلىق كٶرسەتكەن.
پروكۋروردىڭ مەلٸمەتٸنشە, 2023 جىلى ناۋرىزدىڭ ورتاسىندا استانادا بيشٸمباەۆ نٷكەنوۆانى ۇرعان. سالتانات نٷكەنوۆا اعاسىنا شاعىمدانعان. ول ونى بيشٸمباەۆپەن اجىراسۋعا كٶندٸرگەن, بٸراق ول باس تارتقان.
2023 جىلى جازدا بيشٸمباەۆ نٷكەنوۆاعا الماتىعا كٶشۋدٸ ۇسىنعان. ول زورلىق-زومبىلىق توقتايدى دەگەن ٷمٸتپەن كەلٸسٸپتٸ.
2023 جىلعى 8 قاراشادا بيشٸمباەۆ پەن نٷكەنوۆا كونتسەرتكە بارعان. وندا "كٸشٸگٸرٸم سەبەپپەن" جانجال باستالعان.
"كونتسەرتتە بولعان بيشٸمباەۆ بوس سىلتاۋمەن نٷكەنوۆامەن جانجالداسا باستاعان. كونتسەرت اياقتالعانىن كٷتپەستەن ەكەۋٸ عيماراتتان شىعىپ, جاياۋ باو مەيرامحاناسىنا باعىت العان.
مەيرامحانادا الكوگول ٸشۋ بارىسىندا جانجال جالعاسا بەرگەن. نٷكەنوۆا بيشٸمباەۆقا بۇل قارىم-قاتىناستان شارشاعانىن جەنە ودان كەتۋگە شەشٸم قابىلداعانىن ايتقان. سونداي-اق, نٷكەنوۆا اعاسىنا قونۋعا بارىتىن جازىپ, تاكسي شاقىرۋعا تىرىسقان", - دەدٸ پروكۋرور.
بيشٸمباەۆ ماس كٷيدە نٷكەنوۆانىڭ باسىنا قاتتى سوققى بەرگەن. كەيٸن ول ەيەلدٸ اياعىمەن تەپكٸلەي باستاعان. سالتانات نٷكەنوۆا بٶلمەلەردٸڭ بٸرٸنە تىعىلماق بولعان, بٸراق بيشٸمباەۆ ەسٸكتٸ سىندىرىپ, ونى قايتا ۇرا باستاعان.
"سول كٷنٸ تٷنگٸ ساعات 2-دە VIP-زالدا ولاردىڭ اراسىندا بيشٸمباەۆتىڭ قىزعانىشىنا بايلانىستى جانجال تۋىنداعان", - دەلٸنگەن ايىپتاۋ اكتٸسٸ مەلٸمەتتەرٸندە.
پروكۋرور بيشٸمباەۆ ماس كٷيدە فيزيكالىق ارتىقشىلىعىن پايدالانىپ, نٷكەنوۆانىڭ باسىنا قاتتى سوققى بەرگەنٸن, كەيٸن كٷزگٸ اياق كيٸمٸمەن قىزدى تەبە باستاعانىن ايتتى.
"ول بٸرنەشە رەت ەسٸن جيدى, بٸراق بيشٸمباەۆ ونى قايتىس بولعانعا دەيٸن ۇرىپ-سوعا بەرگەن", - دەدٸ پروكۋرور.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
