اقسۋكەنت اۋىلىندا بۇگىن 1200 ورىندىق جاڭا مەكتەپ اشىلدى. بۇل – ءبىر عانا سايرام اۋدانىندا جەكە كاسىپكەرلەر تاراپىنان 7 ايدا سالىنعان 7ء-شى مەكتەپ. بۇدان بولەك، مانكەنت اۋىلىندا 600 ورىندىق جاڭا مەكتەپتىڭ قۇرىلىسى ءجۇرىپ جاتىر. بۇل تۋرالى سايرامدىقتارمەن كەزدەسكەن تۇركىستان وبلىسىنىڭ اكىمى دارحان ساتىبالدى ءمالىم ەتتى.
ايقىنداعان مىندەتتەر مەن جوسپارلاردى بايانداعان وبلىس باسشىسى «مەملەكەت باسشىسى جۇكتەگەن جاۋاپكەرشىلىكتەردى سەزىنىپ، بارلىق باستامالاردى لايىقتى جۇزەگە اسىرۋعا مىندەتتىمىز» دەدى. تۇرعىندار كوتەرگەن ۇسىنىستاردىڭ ورىندالۋ بارىسىن باياندادى. ولار كەزەڭ-كەزەڭىمەن شەشىمىن تابۋدا.
– تۇركىستان وبلىسىنداعى ەڭ ءىرى اۋدانداردىڭ ءبىرى سايرامنىڭ الەۋمەتتىك-ەكونوميكالىق دامۋىنا ەرەكشە كوڭىل بولىنگەن. اۋىلداردى دامىتۋعا باستى باسىمدىق بەرىلەدى. جاڭا عانا مەن اۋداندا سالىنعان جاڭا مەكتەپتىڭ اشىلۋىندا بولدىم. جەكەمەنشىك مەكتەپ سالۋدان سايرام كوش باستاپ تۇر. بۇل – ۇلگىلى ءىس. مەكتەپ تاپشىلىعىن شەشۋ ءۇشىن بيىل وبلىستا 59 جاڭا مەكتەپ سالىنىپ جاتىر. مەملەكەت باسشىسىنىڭ ارنايى تاپسىرماسى اياسىندا «جايلى مەكتەپ» پيلوتتىق ۇلتتىق جوباسى اياسىندا جاڭا فورماتتاعى 86 مەكتەپ سالىنادى. وندا 60 مىڭ بالا ءبىلىم الاتىن بولادى. بۇدان بولەك، مانكەنت ەلدى مەكەنىندە، اقسۋ، اقبۇلاق اۋىلدارىندا 3 جاڭا 600 ورىندىق مەكتەپتەردىڭ قۇرىلىسى جوسپارلانۋدا، – دەدى وبلىس باسشىسى ەسەپتىك كەزدەسۋىندە.
اۋدانداعى «اقسۋ-مانكەنت-جىبەك-جولى» اۆتوموبيل جولدارىنا جالپى قۇنى 1،5 ملرد تەڭگەنى قۇرايتىن كۇردەلى جوندەۋ جۇمىستارى قولعا الىنعان. كوپقاباتتى تۇرعىن ۇيلەردىڭ كارىز جۇيەلەرى جاڭارتىلادى. «اۋىل – ەل بەسىگى» جوباسى اياسىندا بيىل سايرام اۋدانىنداعى 7 ەلدى مەكەندە جالپى قۇنى 1،1 ملرد تەڭگە قۇرايتىن 7 جوبا ىسكە اسىرىلۋدا. ينجەنەرلىك ينفراقۇرىلىم جۇيەسىن دامىتۋ ءۇشىن اۋداندا 7 بيۋدجەتتىك ينۆەستيسيالىق جوبا جۇزەگە اسىرىلىپ جاتىر.
اۋدان تۇرعىندارىنىڭ 220 مىڭنان استامى اۋىز سۋمەن قامتىلسا، ال 80%-عا جۋىعى تابيعي گازبەن قامتىلعان. التى اۋىلدا ورتالىقتاندىرىلعان گازبەن قامتۋ بويىنشا جالپى قۇنى 5،1 ملرد تەڭگەنى قۇرايتىن 4 جوبا جوبا جۇزەگە اسىرىلۋدا.
اۋداندىق ماڭىزى بار 6 جولدى جانە 2 كوپىردى كۇردەلى جوندەۋ جۇمىستارىنا 2،4 ملرد. تەڭگە ءبولىندى. بيىل اۋداندا مەملەكەتتىك قولداۋىمەن 4 مىڭنان استام ادام جۇمىسقا ورنالاستى. حالىقتىڭ تابىسىن ارتتىرۋعا باعىتتالعان جۇمىستار ارى قاراي دا جالعاسىن تابادى.
سايرامدىقتارمەن ەركىن پىكىر الماسىپ، وتىنىشتەر مەن سۇراقتارعا جاۋاپ بەرگەن وبلىس اكىمى دارحان ساتىبالدى بارلىق ماسەلەنىڭ زاڭ اياسىندا جۇزەگە اساتىنىن اتاپ ءوتتى. تۇرعىنداردى جەكە ماسەلەلەرى بويىنشا قابىلدادى.
سايرام اۋدانىنا جۇمىس ساپارى بارىسىندا وبلىس اكىمى جەكە كاسىپكەر ن.سۋلايمانوۆ سالعان 1200 ورىندىق مەكتەپتىڭ اشىلۋىنا قاتىستى. ينۆەستور سايرامدا ءبىر جىلدا 7 مەكتەپ سالعان. تاعى التى مەكتەپ قۇرىلىسىن باستاۋعا دايىن. وبلىس اكىمى دارحان ساتىبالدى جاڭادان اشىلعان ءبىلىم ۇياسىمەن تانىسىپ، مەكتەپ الدىنا اعاش وتىرعىزدى.
وبلىس باسشىسى ءسۇت ونىمدەرىن وندىرەتىن «Aykan» ءجشس-نىڭ جۇمىسىمەن تانىستى. كاسىپورىندا ءسۇت سارىسۋىنان وندىرىستە قولداناتىن ۇنتاق شىعاراتىن جاڭا تەحنولوگيا ىسكە قوسىلدى. بۇل – قازاقستاندا بالاماسى جوق قالدىقسىز ءوندىرىس.
اۋىل شارۋاشىلىعى ونىمدەرىنىڭ جارمەڭكەسىمەن تانىسقان وبلىس اكىمى دارحان ساتىبالدى اۋداننىڭ شارۋالارىمەن جۇزدەستى. ديقاندار جىلىنا بىرنەشە ءونىم الۋدىڭ سىرىمەن ءبولىسىپ، مەملەكەت تاراپىنان بەرىلەتىن كومەكتىڭ ارتقانىنا العىستارىن ايتتى. اۋداندا وندىرىلەتىن ونىمدەردىڭ كورمەسىنە قاتىسقان وبلىس اكىمى مەملەكەتتىك گرانت الىپ، كاسىبىن باستاعان ازاماتتارمەن كەزدەستى.
ايماق باسشىسى سونداي-اق 10 مىڭنان استام مال باسىنا ارنالعان مال بورداقىلايتىن فەرما مەن ەت وڭدەيتىن سەحتا بولدى. 56 گەكتار جەردە ورنالاسقان ءوندىرىس ورنى جىلىنا 5 مىڭ توننا ەت وندىرەدى. 1 مىڭ تونناعا جۋىق ەت كورشى ەلدەرگە ەسكپورتتالادى. بۇگىن مۇندا تۇركيادان ارنايى الدىرىلعان جاڭا تەحنولوگيا ىسكە قوسىلدى.
