وڭتۇستىك قازاقستان وبلىسىنىڭ جاستارى وڭىردەگى اۋدان، قالالاردىڭ كورىكتەنۋىنە اتسالىسۋدا. اتاپ ايتقاندا، «جاسىل ەل» ەڭبەك جاساقتارىنىڭ مۇشەلەرى شىمكەنتتەگى لتد «تۇرمىس»، «شىمكەنت جاسىل قالا»، «بايتەرەك» لب، سوزاق اۋدانىنداعى «سوزاق ساۋلەت» مەكەمەلەرىمەن كەلىسىم-شارت ءتۇزىپ، ەڭبەككە تارتىلىپ، ارنايى كيىمدەرمەن جانە 30-35 مىڭ تەڭگە ارالىعىندا ەڭبەكاقىمەن قامتاماسىز ەتىلدى. 

سونىمەن قاتار، شاردارا، قازىعۇرت، كەنتاۋ، تۇركىستان، سارىاعاش، اۋداندارىنداعى ورمان جانە كوگالداندىرۋ مەكەمەلەرىمەن مەموراندۋمعا وتىرعان جاستار وسى جىلدىڭ 1 شىلدەسىنەن باستاپ ءتيىستى جۇمىستارعا كىرىسپەك.

جاستاردى ىنتالاندىرۋ، وتانعا دەگەن پاتريوتتىق سەزىمدەرىن وياتىپ ەڭبەك جاساقتارىنىڭ بەلسەندىلىگىن ارتتىرۋ ماقساتىندا وسى جىلدىڭ تامىز ايىندا «جاسىل لاندشافت» بايقاۋى ۇيىمداستىرىلىپ، جەڭىمپازدار ماراپاتتالاتىن بولادى.

ايتا كەتكەن ءجون، ستۋدەنتتەر مەن جۇمىسسىز جاستاردىڭ جۇمىسپەن قامتۋ ماسەلەلەرىن شەشۋگە باعىتتالعان «جاسىل ەل» جاستار ەڭبەك جاساقتارىنىڭ قاتارىندا وتكەن جىلى 1 مىڭ ازامات جۇمىس ىستەسە، بيىل جىل سوڭىنا دەيىن 1700 جاس قامتىلادى دەپ كوزدەلۋدە.

 

وقو اكىمىنىڭ باسپا ءسوز قىزمەتى