«شاڭىراق» شاعىناۋدانىنىڭ تۇرعىندارى ەكى ۇيدە سۋ زاڭسىز وشىرىلگەنىن مالىمدەدى، دەپ حابارلايدى Ulysmedia.kz. «ۇيلەردە سۋ جوق. بالالارعا مەكتەپكە بارۋ كەرەك، تاماق ءپىسىرۋ كەرەك. ءبىز سۋسىز قالاي ءومىر سۇرەمىز؟ بىزگە سۋ كەرەك، سۋدى قوسىڭدار!»، – دەپ تالاپ ەتتى ولار.
جەرگىلىكتى بيلىك بۇل جاعدايعا قاتىستى تۇسىنىكتەمە بەردى.
«قۇرمەتتى قالا تۇرعىندارى، تەكسەرۋ بارىسىندا بەلگىسىز ادامدار اتالعان جەردىڭ جەرتولەسىندەگى اۋىز سۋ قۇبىرىن كەسىپ تاستاعانى انىقتالدى. ءتيىستى جۇمىستى وسى ۇيگە جاۋاپتى كوممۋنالدىق قىزمەتتەر ورىندايدى» دەلىنگەن حابارلامادا.
ايتا كەتەيىك، بۇدان بۇرىن جارىقتىڭ جوقتىعىنا نارازىلىق بىلدىرگەن اقتاۋلىقتار جولدى جاۋىپ تاستاۋعا تىرىسقان ەدى.
