ماڭعىستاۋ وبلىسىندا دارىگەر اۋرۋحانادا پىشاق جاراقاتىن الىپ، كوز جۇمدى، دەپ حابارلايدى Dalanews.kz.
28 قاڭتاردا جاڭاوزەن قالاسىندا پىشاق جاراقاتى سالدارىنان 29 جاستاعى ەر ادام قايتىس بولعان.
"ادام ءولتىرۋ دەرەگى بويىنشا كۇدىكتى ۋاقىتشا ۇستاۋ يزولياتورىنا قامالدى. قاقتىعىس ەر ادامدار اراسىندا وتباسىلىق-تۇرمىستىق جانجال نەگىزىندە تۋعان"، - دەپ جازىلعان حابارلامادا.
وقيعادان كەيىن كۇدىكتى جاڭاوزەن قالالىق پوليسيا باسقارماسىنا ءوز ەركىمەن كەلىپ، جاساعان ءىسىن مويىنداعان.
بۇل دەرەك بويىنشا پوليسيا قازاقستان رەسپۋبليكاسى قىلمىستىق كودەكسىنىڭ 99-بابىنىڭ 1-بولىگىمەن قىلمىستىق ءىس قوزعادى.
ءقازىر بارلىق ءمان-جايدى جان-جاقتى، تولىق زەرتتەۋگە باعىتتالعان تەرگەۋ ءىس-شارالارى جۇرگىزىلىپ جاتىر.
