جۇمىس توبىنىڭ باستى مىندەتى قوعامدىق قاتىناستاردى جاڭعىرتۋعا باعىتتالعان ۇسىنىستاردى ديالوگ الاڭدارىندا تالقىلاۋ بولىپ تابىلادى. ساراپتامالىق-تالداۋ توبى جۇمىسىنىڭ ناتيجەسىندە ناقتى ۇسىنىمداردان تۇراتىن تالدامالىق انىقتاما ازىرلەنەتىن بولادى. قورىتىلعان ۇسىنىمدار ۇكىمەتتىڭ قاراۋىنا جىبەرىلەتىن بولادى.
جۇمىس توبىنا ازاماتتىق قوعام ينستيتۋتتارىنىڭ وكىلدەرى، ساياساتتانۋشىلار، الەۋمەتتانۋشىلار، ازاماتتىق بەلسەندىلەر، عىلىمي-شىعارماشىلىق ينتەلليگەنسيا جانە مەملەكەتتىك ورگانداردىڭ وكىلدەرى كىردى.
ولاردىڭ ىشىندە – «قازاقستاننىڭ ازاماتتىق اليانسى» زتب پرەزيدەنتى بانۋ نۇرعازييەۆا، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات ءباشىموۆ، «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رقب ءتوراعاسى داۋلەتكەرەي راحمەتۋللين، قازاقستاندىق حالىقارالىق شارتتاردى قوعامدىق باقىلاۋ ورتالىعىنىڭ ديرەكتورى گالينا مويسەەنكو، «ۇلتتىق ەرىكتىلەر جەلىسى» زتب اتقارۋشى ديرەكتورى تاتيانا ميرونيۋك، «اسسامبلەيا جاستارى» رقب ءتوراعاسى تيمۋر جۇمىربايەۆ، ق ر پرەزيدەنتى جانىنداعى قسزي الەۋمەتتىك-ساياسي زەرتتەۋشىلەر ءبولىمىنىڭ باسشىسى ينديرا رىستينا، ساياساتتانۋشى قازبەك مايگەلدينوۆ جانە باسقالار بار.
ايتا كەتەيىك، مەملەكەت باسشىسى قاسىم-جومارت توقايەۆ قازاقستان رەسپۋبليكاسىنىڭ پارلامەنتى ءماجىلىسىنىڭ وتىرىسىندا «قاسىرەتتى قاڭتار» ساباعى: قوعام تۇتاستىعى – تاۋەلسىزدىك كەپىلى» تاقىرىبىندا سويلەگەن سوزىندە بارشا قازاقستاندىقتاردى جاڭا قازاقستاندى قۇرۋعا، الەۋمەتتىك-ەكونوميكالىق جانە ساياسي مودەرنيزاسيانى جاڭعىرتۋعا باعىتتالعان رەفورمالار قالىپتاستىرۋعا اتسالىسۋعا شاقىردى.
