ونىڭ ايتۋىنشا، ءبىلىم كۇنىندە وبلىستا قۇرىلىس جۇمىستارى اياقتالعان جاڭا 20 مەكتەپ عيماراتى پايدالانۋعا بەرىلەدى. ال ونىڭ 6-ۋى جاڭادان اشىلىپ، وڭىردەگى ورتا مەكتەپتىڭ سانى 1021-دەن 1027-گە جەتىپ وتىر. سونداي-اق، ول 7 جەكەمەنشىك مەكتەپ جۇمىس ىستەيتىندىگىن اتاپ ءوتتى.
باسپا ءسوز كونفەرەنسياسىندا ءمالىم بولعانداي جالپى وبلىستا 79 ءبىلىم بەرۋ نىساندارىنىڭ قۇرىلىسى جۇرگىزىلىپ جاتىر ەكەن. ونىڭ جىل باسىنان بەرى 7ء-ۋى تاپسىرىلسا، 22ء-سى جىل سوڭىنا دەيىن پايدالانۋعا بەرىلمەك. ال قالعان 58ء-ى كەلەر جىلعا وتپەلى. وسىنىڭ ناتيجەسىندە وسى جىلى 8 اپاتتى جانە 12 ءۇش اۋىسىمدى مەكتەپتەردىڭ ماسەلەسى شەشىلەدى.
– وڭتۇستىك قازاقستان وبلىسىندا ءبىلىم بەرۋ ۇيىمدارىنىڭ جاڭا وقۋ جىلىنا دايىندىق جۇمىستارى جوسپارلى تۇردە جۇرگىزىلۋدە. وڭىردەگى 1034 مەكتەپتە جاڭا وقۋ جىلىندا 640 مىڭعا جۋىق وقۋشى ءبىلىم الادى دەپ كۇتىلسە، ونىڭ 73 مىڭى ءبىرىنشى سىنىپقا بارادى دەپ جوسپارلانۋدا، – دەدى ۇ.سادىبەكوۆ.
وقۋلىقپەن قامتاماسىز ەتۋ جايىن بايانداعان ايماق باسشىسىنىڭ ورىنباسارى تامىزدىڭ 20-نا دەيىن بارلىق مەكتەپتەر قاجەتتى كىتاپپەن قامتىلاتىنىن ايتتى.
«جاڭارتىلعان ءبىلىم بەرۋ مازمۇنىنا ساي جانە 2، 5، 7 سىنىپتاردىڭ كوشۋىنە بايلانىستى، 3،5 ملن-عا جۋىق كىتاپتى ساتىپ الۋعا جەرگىلىكتى بيۋدجەتتەن 4،5 ملرد. تەڭگە ءبولىندى. بۇگىنگى تاڭدا 2 ملن-عا جۋىق كىتاپ مەكتەپتەرگە جەتكىزىلگەن. ياعني 56 پايىز، ال قالعان كىتاپتار تامىزدىڭ 20-نا دەيىن تولىق جەتكىزىلەتىنىن بولادى»، – دەدى ۇ.سادىبەكوۆ.
سونداي-اق، وبلىستاعى مەكتەپتەردى جاڭا وقۋ جىلىنا دايىنداۋ ماقساتىندا جەرگىلىكتى بيۋدجەت ەسەبىنەن 897 مەكتەپتە اعىمداعى جوندەۋ جۇمىستارىن جۇرگىزىلسە، بۇگىنگى كۇنگە 847-سىندە جوندەۋ جۇمىسى اياقتالعان.
ال، 43 مەكتەپتە جۇرگىزىلىپ جاتقان كۇردەلى جوندەۋ جۇمىستارى 25 تامىزدا اياقتالادى دەپ جوسپارلانۋدا.
وقو اكىمىنىڭ باسپا ءسوز قىزمەتى
https://dalanews.kz/24913
