قارجى ءمينيسترى ءمادي تاكييەۆ جالاقىسى قانشا ەكەنىن ايتتى، - دەپ حابارلايدى Dalanews.kz.
"مەن جالاقىمنىڭ قانشا ەكەنىن ءبىلدىم. بىزدە بارلىق مەملەكەتتىك قىزمەتكەرلەر ءۇشىن ءبىرىڭعاي سەتكا بار. سوندىقتان مەن وسى سەتكا بويىنشا جالاقى الاتىن بولامىن.
ءسىزدىڭ سۇراعىڭىز بويىنشا 1 ملن تەڭگەدەن اسادى، شامامەن 1،5 ملن تەڭگە الامىن. مۇندا مەنىڭ ەڭبەك ءوتىلىم ەسكەرىلەدى"، - دەدى ءمادي تاكييەۆ ءماجىلىستىڭ جالپى وتىرىسىنان سوڭ.
ەسكە سالايىق، 6 اقپاندا ءمادي تاكييەۆ قارجى ءمينيسترى بولىپ تاعايىندالعان ەدى. بۇعان دەيىن ول 2023 جىلعى ناۋرىزدان باستاپ – VII سايلانعان ق ر پارلامەنتى ءماجىلىسىنىڭ دەپۋتاتى، ق ر پارلامەنتى ءماجىلىسىنىڭ قارجى جانە بيۋدجەت كوميتەتىنىڭ ءتوراعاسى، ق ر پارلامەنتى ماجىلىسىندەگى "AMANAT" پارتياسى فراكسياسىنىڭ مۇشەسى بولعان ەدى.
