قازاقستاندا جاڭا ۆەدومستۆو – جاساندى ينتەللەكت جەنە تسيفرلىق دامۋ مينيسترلٸگٸ قۇرىلماق, دەپ حابارلايدى Dalanews.kz.
قايتا ۇيىمداستىرۋ قالاي جٷرگٸزٸلەدٸ?
جاساندى ينتەللەكت جەنە تسيفرلىق دامۋ مينيسترلٸگٸ قازٸرگٸ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ (تسدياٶم) نەگٸزٸندە قۇرىلادى. بۇل تۋرالى ٷكٸمەت وتىرىسىندا مينيستر جاسلان مەديەۆ ايتتى. ونىڭ سٶزٸنشە, تسدياٶم-نٸڭ بٸرقاتار فۋنكتسييالارى قايتا بٶلٸنەدٸ.
"مەملەكەت باسشىسىنىڭ تاپسىرماسىن ورىنداۋ ٷشٸن تسدياٶم بازاسىندا قازاقستان رەسپۋبليكاسىنىڭ جاساندى ينتەللەكت جەنە تسيفرلىق دامۋ مينيسترلٸگٸ قۇرىلادى. ال يننوۆاتسييالىق ساياساتقا قاتىستى فۋنكتسييالار عىلىم جەنە جوعارى بٸلٸم مينيسترلٸگٸنە بەرٸلەدٸ", – دەدٸ ول.
مەديەۆتٸڭ ايتۋىنشا, تيٸستٸ جارلىقتىڭ جوباسى دايىندالىپ, مەملەكەتتٸك ورگاندارعا كەلٸسۋگە جولدانعان.
قاي فۋنكتسييالار عىلىم جەنە جوعارى بٸلٸم مينيسترلٸگٸنە ٶتەدٸ?
مينيستر ساياسات نۇربەكتٸڭ مەلٸمەتٸنشە, ونىڭ ۆەدومستۆوسىنا مىناداي فۋنكتسييالار بەرٸلەدٸ:
يننوۆاتسييالىق گرانتتار بٶلۋ;
ٶنەركەسٸپتٸك يننوۆاتسييالىق جوبالاردى قارجىلاندىرۋ;
ينۆەستيتسييالىق قورلار قۇرۋ;
ارنايى ەكونوميكالىق ايماقتاردى دامىتۋ;
اكسەلەراتسييا جەنە بيزنەس-ينكۋباتسييانى جٷرگٸزۋ;
بٸلٸم بەرۋ جەنە عىلىمي-تەحنولوگييالىق باعدارلامالاردى ەنگٸزۋ.
"بۇل مٸندەتتەر تيٸستٸ فۋنكتسييالار مەن ۆەدومستۆولىق ۇيىمداردى عىلىم جەنە جوعارى بٸلٸم مينيسترلٸگٸنە بەرۋ ارقىلى ٸسكە اسىرىلادى", – دەپ تٷسٸندٸردٸ ول.
سونىمەن قاتار مەديەۆ پارلامەنتتە تسيفرلىق كودەكس بويىنشا جۇمىس باستالعانىن ايتتى.
"تسيفرلىق كودەكس پارلامەنتتٸڭ قاراۋىنا ەنگٸزٸلدٸ. ونى جەتٸلدٸرۋ ٷشٸن ارنايى قۇزىرەتتەر ورتالىعى قۇرىلدى. جوبا مەملەكەت باسشىسى بەلگٸلەگەن مەرزٸمدە قابىلدانادى", – دەدٸ مينيستر.
قىركٷيەكتەگٸ جولداۋىندا پرەزيدەنت قاسىم-جومارت توقاەۆ قازٸرگٸ تسيفرلىق دامۋ مينيسترلٸگٸنٸڭ نەگٸزٸندە جاساندى ينتەللەكت جەنە تسيفرلىق دامۋ مينيسترلٸگٸن قۇرۋ قاجەتتٸگٸن ايتقان بولاتىن.
