بۇل تۋرالى ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايتتى، دەپ حابارلادى Sputnik قازاقستان.
– الەۋمەتتىك جەلىدە تاراپ كەتكەن احمادييەۆ ج.ا. ايەلدەردى قامشىمەن ساباپ جاتقانى تۇسىرىلگەن ۆيدەوروليكتەگى جاعداي قويىلىم بولىپ وتىر. ياعني، جەڭىل ءجۇرىستى قىزدار رەتىندە ونىڭ ايەلى مەن تانىستارى تۇسكەن، – دەپ حابارلادى سادۋبايەۆ.
ونىڭ ايتۋىنشا، مۇنداي جاعدايدا احمادييەۆتىڭ ىس-ارەكەتىندە قىلمىس قۇرامى جوق. سوندىقتان رەپەردى قىلمىستىق كودەكستىڭ 293-بابى بويىنشا جاۋاپقا تارتۋعا بولمايدى.
بىرنەشە كۇن بۇرىن الەۋمەتتىك جەلىنى “جارعان” ۆيدەو قازىرگى ۋاقىتتا YouTube جەلىسىنەن وشىرىلگەن.
ول جەزوكشەلەر تۋرالى ۆيدەوسىندا قازاق جىگىتتەرىنە ءدال وسىلاي جاساۋعا ۇگىتتەگەن ەدى.
ەسكە سالىپ وتسەك، “قازاقپىز عوي” YouTube-ارناسىندا “جەزوكشەلەردى قامشىمەن قۋىپ جۇرگەن” رەپەردىڭ ۆيدەوسى جاريالانعان ەدى.
دەرەككوزى: stan.kz
