جامبىل وبلىسىندا پەداگوگتەردٸڭ بٸلٸكتٸلٸگٸن ارتتىرۋعا ارنالعان 180 ملن تەڭگەلٸك مەملەكەتتٸك ساتىپ الۋ تالاپتارى قايتا ٶزگەرتٸلدٸ. الايدا جاڭارتىلعان قۇجاتتا بۇرىنعى شەكتەۋلەردٸڭ باسىم بٶلٸگٸ سول كٷيٸندە قالعان, دەپ حابارلايدى Dalanews.kz.
Goszakupturaly تەلەگرام ارناسىنىڭ پاراقشاسىنىڭ مەلٸمەتٸنشە, وبلىستىق بٸلٸم باسقارماسى مۇعالٸمدەردٸڭ تسيفرلىق قۇزىرەتٸ مەن فۋنكتسيونالدىق ساۋاتتىلىعىن ارتتىرۋ قىزمەتٸن ساتىپ الۋدى جوسپارلاعان. بۇل قىزمەت ينتەراكتيۆتٸ پلاتفورما مەن ارنايى وقۋ ترەناجەرٸن قولدانۋ ارقىلى جٷزەگە اسۋى تيٸس بولعان.
العاشقى كونكۋرس بارىسىندا قۇجاتتاعى بٸرقاتار تالاپقا ٸشكٸ مەملەكەتتٸك اۋديت دەپارتامەنتٸ (دۆگا) نازار اۋدارىپ, ساتىپ الۋ رەسٸمٸن توقتاتقان. بۇدان كەيٸن تاپسىرىس بەرۋشٸ قۇجاتتاردى قايتا قاراپ, تەندەردٸ قايتا جارييالاعان.
الايدا جاڭارتىلعان نۇسقادا تەحنيكالىق سيپاتتاما ايتارلىقتاي ٶزگەرمەگەن. قۇجاتتا ونلاين-پلاتفورما مەن وقۋ ترەناجەرٸنە قويىلاتىن تالاپتار ٶتە ناقتى ەرٸ ەگجەي-تەگجەيلٸ جازىلعان. مۇنداي سيپاتتاما بەلگٸلٸ بٸر ٶنٸمگە نەمەسە جەتكٸزۋشٸگە عانا سەيكەس كەلۋٸ مٷمكٸن.
سونىمەن قاتار نەگٸزگٸ تالاپتاردىڭ بٸرٸ رەتٸندە مەكتەپتٸ باسقارۋعا ارنالعان سيمۋلياتسييالىق ويىن مەن فۋنكتسيونالدىق ساۋاتتىلىقتى دامىتۋعا باعىتتالعان ونلاين-ترەناجەردٸڭ بولۋى ساقتالعان.
قۇجاتتا كادرلارعا قاتىستى تالاپتار دا ٶزگەرتٸلگەنٸمەن, جاڭا شەكتەۋلەر ەنگٸزٸلگەن. مەسەلەن, عىلىمي دەرەجەسٸ بار مامانداردىڭ ورنىنا شەتەلدٸك ۋنيۆەرسيتەتتەردەن بٸلٸم العان نەمەسە حالىقارالىق سەرتيفيكاتتارى بار ماماندار تالاپ ەتٸلەدٸ. كەيبٸر تارماقتاردا تمد ەلدەرٸندە الىنعان ديپلومداردىڭ قابىلدانبايتىنى كٶرسەتٸلگەن.
ساتىپ الۋ قۇجاتتارىنداعى مۇنداي تالاپتار ناقتى بٸر ۇيىمنىڭ رەسۋرستارى مەن كادرلىق قۇرامىنا سەيكەس كەلۋٸ مٷمكٸن ەكەنٸ بايقالادى. سونىمەن بٸرگە, پلاتفورماعا قاتىستى سيپاتتامانىڭ شامادان تىس ناقتىلانۋى قىزمەتتٸڭ ٶزٸنەن گٶرٸ دايىن ٶنٸمدٸ تاڭداۋعا باسىمدىق بەرٸلگەنٸن اڭعارتادى.
قايتا جارييالانعان كونكۋرسقا قاراماستان, نەگٸزگٸ تالاپتار مازمۇندىق تۇرعىدا ٶزگەرمەگەن. دۆگا تاراپىنان ەسكەرتۋ جاسالعانىمەن, تٷزەتۋلەر نەگٸزٸنەن فورمالدى سيپاتتا قالىپ, شەكتەۋشٸ شارتتار ساقتالىپ وتىر.
بۇل جاعداي مەملەكەتتٸك ساتىپ الۋ جٷيەسٸندە تالاپتاردىڭ قايتا قارالعانىمەن, ولاردىڭ مەنٸ ٶزگەرمەي قالاتىن تەجٸريبە بار ەكەنٸن كٶرسەتەدٸ.
