تاراز قالالىق سوتىندا جامبىل وبلىستىق پوليتسييا دەپارتامەنتٸ باستىعىنىڭ بۇرىنعى ورىنباسارى مەن تالاس اۋداندىق پوليتسييا بٶلٸمٸنٸڭ ەكس-باسشىسىنا قاتىستى قىلمىستىق ٸس قارالۋدا, دەپ حابارلايدى Dalanews.kz.
سوت الدىندا وبلىستىق دەپارتامەنت باسشىسىنىڭ بۇرىنعى ورىنباسارى جايداربەك قۇتتىباەۆ پەن ونىڭ قاراماعىندا قىزمەت ەتكەن, تالاس اۋداندىق بٶلٸمٸن باسقارعان ەركەن اباەۆ جاۋاپ بەرٸپ وتىر. قۇتتىباەۆقا اسا ٸرٸ كٶلەمدە الاياقتىق جاسادى دەگەن ايىپ تاعىلسا, اباەۆقا پارا الۋ جەنە قىلمىسقا قاتىسۋ باپتارى بويىنشا ايىپتار تاعىلعان. بۇل ٸس بويىنشا جەبٸرلەنۋشٸ رەتٸندە پوليتسييانىڭ بۇرىنعى قىزمەتكەرٸ دارحان ۋەليەۆ تانىلعان.
ٸستٸ تەرگەۋ بارىسىندا ٸشكٸ ٸستەر ورگاندارىنىڭ ٶزٸندٸك قاۋٸپسٸزدٸك قىزمەتٸنٸڭ ٶكٸلدەرٸ قۇتتىباەۆتان قىزمەتتەن ٶز ەركٸمەن كەتۋ تۋرالى بايانات جازۋدى تالاپ ەتكەن. الايدا ول بۇل تالاپقا كەلٸسپەگەننەن كەيٸن, الاياقتىق دەرەگٸ بويىنشا كٷدٸككە ٸلٸنگەن. ال بٸراز ۋاقىت بويى بوي تاسالاپ جٷرگەن ەركەن اباەۆ كەيٸنٸرەك بۇرىنعى ەرٸپتەستەرٸنە ٶزٸ كەلٸپ بەرٸلگەن.
اتالعان سىبايلاس جەمقورلىق داۋى ٶتكەن جىلدىڭ كٷزٸندە ٶرشٸپ, سونىڭ سالدارىنان جامبىل وبلىستىق پوليتسييا دەپارتامەنتٸنٸڭ سول كەزدەگٸ باستىعى باقىتجان مالىباەۆ قىزمەتٸنەن كەتكەن ەدٸ. ول كەزدە ٸشكٸ ٸستەر مينيسترٸ ەرجان سەدەنوۆ بۇل جاعدايعا قاتىستى پٸكٸر بٸلدٸرٸپ, جٷيەدە «ساتقىندارعا ورىن جوق» ەكەنٸن قاتاڭ ەسكەرتكەن بولاتىن.
