بىرىككەن اراب امىرلىگىنەن كەلگەن قوس ازاماتتىڭ قىمبات كولىگىنەن ءتارتىپ ساقشىلارى تۇقىمى سيرەپ بارا جاتقان بىرنەشە «قاراباۋىر بۇلدىرىعىنى» تاركىلەگەن. ءبىراق ولار، جازادان جالتارىپ كەتۋى بەك مۇمكىن. اڭشىلىققا شىققان اراب ازاماتتارىن پروكۋراتۋرانىڭ شەشىمىمەن ءتارتىپ ساقشىلارى بوساتا سالىپتى.

سەرىلىك جاساپ بوي سەرگىتۋ ءۇشىن اراب امىرلىگىنەن كەلگەن مىنا ازاماتتار بەتپاقدالادا بىلگەنىن ىستەگەن سىڭايلى. بەس اسپابى تۇگەل اراب ازاماتتارى مىنگەن جول تالعامايتىن كولىكتەرىنەن ءبىر دانا شالاجانسار «قاراباۋىر بۇلدىرىعى» جانە بەسەۋىنىڭ ءولى دەنەسى تاركىلەندى. بۇدان باسقا دۋاداق ەتىنە ۇقساس ەكى قاپ پەن اڭشى مىلتىعى جانە جەتى وق تابىلدى.

«قوزعالىپ وتىرعان قىلمىستىق ءىس ورتا دارەجەدەگى قۇقىق بۇزۋشىلىق بولىپ تابىلادى. تەرگەۋ امالدارىن جۇرگىزۋ بارىسىندا كۇدىكتى وبلىس اۋماعىنان شىقپاۋعا جانە تەرگەۋشى ورگاندارعا بەلگىلەنىپ تۇرۋعا مىندەتتەلگەن. ءقازىر شەتەلدىك ازاماتتار جامبىل وبلىسىنىڭ اۋماعىندا»، — دەيدى  جامبىل وبلىستىق پروكۋراتۋرا باسقارماسىنىڭ اعا پروكۋرورى ابىروي حالىق ۇلى.

دەگەنمەن ۇستالعان ارابتاردىڭ ناقتى قاي مەكەنجايدا تىركەلگەنى ايتىلمادى. ءبىر انىعى كىناسى دالەلدەنسە ءۇش جىل باس بوستاندىعىنان ايرىلادى نەمەسە ءۇش مىڭ ايلىق ەسەپتىك كورسەتكىش كولەمىندە ايىپپۇل تولەيدى.

ساياتشىلىق ءۇشىن شالعايدان كەلگەن ازاماتتارعا سوڭعى جازا ءتيىمدى ەكەنى حاق. ايتا كەتەيىك كۇدىكتىلەر قازاقستانعا دۋاداق تەكتەس قۇستارىن بۋدانداستىرۋ ءۇشىن كەلىپتى.