قوستاناي وبلىسىندا ەر ادام ايەلى مەن ەنەسىن پىشاقتاپ ولتىرگەن، دەپ حابارلايدى Dalanews.kz.
قىلمىستىق ىستەر جونىندەگى مامانداندىرىلعان اۋدانارالىق سوت قوستاناي وبلىسىنىڭ تۇرعىنىنا قاتىستى قاساقانا اسا قاتىگەزدىكپەن جانە قايتالانا ادام ءولتىرۋ ءىسى بويىنشا (قك-نىڭ 99-بابى 2-بولىگىنىڭ 5)، 13) تارماقتارى) قىلمىستىق ءىستى قارادى.
بيىل شىلدەدە ل. جانجال بارىسىندا جۇبايى ل. مەن ەنەسى ب.-عا بىرنەشە رەت پىشاق جاراقاتىن سالعان. سالدارىنان جابىرلەنۋشىلەر وقيعا ورنىندا كوز جۇمعان، ال ايىپتالۋشى قاشىپ كەتكەن.
ايىپتالۋشى سوتتا كىناسىن ءىشىنارا مويىنداعان. ال پروكۋرور 20 جىلعا باس بوستاندىعىنان ايىرۋ جازاسىن تاعايىنداۋدى سۇراعان.
سوت ايىپتالۋشىعا 19 جىلعا باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەنگەن جوق.
