Qostanaı oblysynda er adam áıeli men enesin pyshaqtap óltirgen, dep habarlaıdy Dalanews.kz.

Qylmystyq ister jónindegi mamandandyrylǵan aýdanaralyq sot Qostanaı oblysynyń turǵynyna qatysty qasaqana asa qatygezdikpen jáne qaıtalana adam óltirý isi boıynsha (QK-niń 99-baby 2-bóliginiń 5), 13) tarmaqtary) qylmystyq isti qarady.

Bıyl shildede L. janjal barysynda jubaıy L. men enesi B.-ǵa birneshe ret pyshaq jaraqatyn salǵan. Saldarynan jábirlenýshiler oqıǵa ornynda kóz jumǵan, al aıyptalýshy qashyp ketken. ​

Aıyptalýshy sotta kinásin ishinara moıyndaǵan. Al prokýror 20 jylǵa bas bostandyǵynan aıyrý jazasyn taǵaıyndaýdy suraǵan. ​

Sot aıyptalýshyǵa 19 jylǵa bas bostandyǵynan aıyrý jazasyn taǵaıyndady. Úkim zańdy kúshine engen joq.