تارباعاتاي اۋدانىندا ورنالاسقان ىرعىزباي دوسحانا ۇلىنىڭ كەسەنەسى تۋريستىك نىسانعا اينالماق. كەسەنەگە كەلۋشىلەردىڭ سانى جىلدان جىلعا ارتىپ كەلە جاتقاندىقتان، اۋدان باسشىلىعى ولارعا قولايلى جاعداي جاساماق.  

ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا تارباعاتاي اۋدانىنىڭ اكىمى دىلدابەك ورازبايەۆ مالىمدەگەندەي، بيىلعى جىلدان باستاپ ينفراقۇرىلىمدى دامىتۋ بارىسى تولىقتاي قولعا الىنعان.

–  ەگەر كەلۋشى تۋريستەردىڭ ەسەپتەسەك، جىلىنا كەسەنەگە 5 مىڭعا جاۋىق تۋريستەر كەلەدى. ونىڭ كوبىسى رەسەيدەن كەلەتىن دەمالۋشىلار. تۋريستىك مەكەن بولعاندىقتان، ول جەرگە ەلەكتر، سۋ جەلىلەرىن تارتىپ، اباتتاندىرىپ، كەلۋشىلەرگە قولايلى جاعداي جاساۋىمىز قاجەت، – دەدى دىلدابەك ورازبايەۆ.

كەسەنەنىڭ اباتتاندىرۋلىڭ وزىنە-اق 200 ملن. تەڭگە قاراجات بولىنبەك. جوبا بويىنشا كەسەنەگە اپاراتىن جول كۇردەلى جوندەۋدەن ءوتىپ، كەسەنە ماڭىنا گۇلدەر وتىرعىزىلىپ، ىشىنە سۋبۇرقاق ورناتىلماق. بيىل باستالاتىن جوبا كەلەسى جىلعا دەيىن سوزىلماق.

ايتىپ وتسەك، ىرعىزباي اتا كەسەنەسى تارباعاتاي اۋدانى اقسۋات اۋىلىنىڭ سولتۇستىك-باتىسىندا ورنالاسقان. اڭىز بويىنشا ىرعىزباي دوسحانا ۇلى شوپتەرمەن ءتۇرلى دەرتتەردى ەمدەپ، سىنىقشى بولعان.



 

شقو اكىمى باسپا ءسوز قىزمەتى

 

https://dalanews.kz/21713