يلون ماسك 2027 جىلى اقش-تاعى ەر بالاعا ٶزٸنە تيەسٸلٸ SpaceX كومپانيياسىنىڭ بٸر اكتسيياسىن بەرەتٸنٸن مەلٸمدەدٸ. اكتسييالاردىڭ قازٸرگٸ باعاسىن ەسەپكە العاندا, بۇل باستامانىڭ جالپى قۇنى شامامەن 10,7 ملرد دوللار نەمەسە 9,5 ملرد ەۋرو بولۋى مٷمكٸن, دەپ حابارلايدى dalanews.kz.
اقش-تا 18 جاسقا تولماعان 73 ميلليونعا جۋىق بالا بار. SpaceX اكتسيياسى جۇما كٷنگٸ ساۋدا قورىتىندىسىندا 146,03 دوللارعا باعالانعان. وسى كٶرسەتكٸش بويىنشا ماسكتٸڭ ۋەدەسٸن ورىنداۋعا 10,66 ملرد دوللار قاجەت بولادى.
ەزٸرگە كەسٸپكەر اكتسييالاردىڭ ناقتى كٸمدەرگە جەنە قانداي تەرتٸپپەن بەرٸلەتٸنٸن تٷسٸندٸرگەن جوق. باعالى قاعازداردى بٶلۋ تەتٸگٸ مەن باستامانىڭ تالاپتارى دا جارييالانبادى.
ماسكتٸڭ مەلٸمدەمەسٸ Anthropic كومپانيياسى اكتسييالارىنىڭ 5 پايىزىن جاڭا قوعامدىق يگٸلٸك قورىنا بەرۋگە نيەتتٸ ەكەنٸن حابارلاعاننان كەيٸن جاسالدى. بۇل باستاما اكتسيونەرلەر ماقۇلداعان جاعدايدا جٷزەگە اسىرىلادى.
كومپانييانىڭ مەلٸمەتٸنشە, اكتسييالار تولىعىمەن Anthropic-كە تيەسٸلٸ جاڭا قۇرىلىم — Anthropic Public Benefit Fund قورىنا بەرٸلەدٸ. اكتسييا قۇنى ٶسكەن جاعدايدا قوردىڭ كاپيتالى دا ۇلعايا تٷسۋٸ مٷمكٸن.
"مەن اكتسييالاردى تٸكەلەي حالىققا بەرۋگە كەڭەس بەرەر ەدٸم", - دەپ جازدى يلون ماسك Anthropic باستاماسىنا پٸكٸر بٸلدٸرٸپ.
وسىدان كەيٸن ول كەلەسٸ جىلى SpaceX-تٸڭ بٸر اكتسيياسىن اقش-تاعى ەر بالاعا ٷلەستٸرۋگە ۋەدە بەردٸ. دەگەنمەن ەزٸرگە بۇل مەلٸمدەمەنٸڭ ناقتى جوسپارى مەن قۇقىقتىق تەتٸكتەرٸ ۇسىنىلعان جوق.
