عىلىمي قاۋىمداستىق ٶكٸلدەرٸ ازاماتتاردى 23 تامىزدا ٶتەتٸن قۇرىلتاي سايلاۋىنا بەلسەندٸ قاتىسۋعا شاقىردى. مامانداردىڭ پٸكٸرٸنشە, ەر ازاماتتىڭ ٶز تاڭداۋىن جاساۋى — ەلدٸڭ دامۋى مەن بولاشاعىنا ٷلەس قوسۋدىڭ ماڭىزدى جولدارىنىڭ بٸرٸ, دەپ حابارلايدى dalanews.kz.
سپيكەرلەر قۇرىلتايدىڭ تاريحي ماڭىزىنا توقتالىپ, ونىڭ قازاق حالقىنىڭ تاريحىندا ماڭىزدى شەشٸمدەر قابىلداناتىن كەڭەس رەتٸندە قالىپتاسقانىن اتاپ ٶتتٸ. بٷگٸندە قۇرىلتاي حالىق پەن بيلٸك اراسىنداعى ٶزارا بايلانىستى نىعايتاتىن ماڭىزدى ينستيتۋت رەتٸندە قاراستىرىلادى.
عىلىمي قاۋىمداستىق ٶكٸلدەرٸنٸڭ ايتۋىنشا, ەلٸمٸزدە رەفورمالار مەن جاڭعىرۋ ٷدەرٸستەرٸ جٷرٸپ جاتقان كەزەڭدە ازاماتتاردىڭ ساياسي بەلسەندٸلٸك تانىتىپ, ٶز داۋىعىن بەرۋٸ ماڭىزدى. ولاردىڭ پٸكٸرٸنشە, جاڭا ينستيتۋت زاڭنامالىق ٷدەرٸستٸ جەتٸلدٸرٸپ, شەشٸمدەردٸڭ تيٸمدٸ ەرٸ جەدەل قابىلدانۋىنا ىقپال ەتۋٸ مٷمكٸن.
«ەگەر بەرٸمٸز ٶركەندەگەن, زاماناۋي قازاقستاندى قۇرۋدى قالاساق, الداعى سايلاۋعا ٷلكەن جاۋاپكەرشٸلٸكپەن قاراۋىمىز قاجەت. سەبەبٸ وتانىمىزدىڭ بولاشاعى — ٶز قولىمىزدا», — دەدٸ سپيكەر.
سونداي-اق عالىمدار مەن ساراپشىلار ازاماتتاردى ەلدٸڭ دامۋىنا ٷلەس قوسىپ, 23 تامىزدا ٶتەتٸن سايلاۋعا قاتىسۋعا شاقىردى. ولاردىڭ ايتۋىنشا, قوعامنىڭ بەلسەندٸلٸگٸ مەن ازاماتتاردىڭ ورتاق شەشٸم قابىلداۋعا قاتىسۋى ەل بولاشاعىن قالىپتاستىرۋدا ماڭىزدى رٶل اتقارادى.
