Ǵylymi qaýymdastyq ókilderi azamattardy 23 tamyzda ótetin Quryltai sailaýyna belsendi qatysýǵa shaqyrdy. Mamandardyń pikirinshe, ár azamattyń óz tańdaýyn jasaýy — eldiń damýy men bolashaǵyna úles qosýdyń mańyzdy joldarynyń biri, dep habarlaidy dalanews.kz.
Spikerler Quryltaidyń tarihi mańyzyna toqtalyp, onyń qazaq halqynyń tarihynda mańyzdy sheshimder qabyldanatyn keńes retinde qalyptasqanyn atap ótti. Búginde Quryltai halyq pen bilik arasyndaǵy ózara bailanysty nyǵaitatyn mańyzdy institýt retinde qarastyrylady.
Ǵylymi qaýymdastyq ókilderiniń aitýynsha, elimizde reformalar men jańǵyrý úderisteri júrip jatqan kezeńde azamattardyń saiasi belsendilik tanytyp, óz daýyǵyn berýi mańyzdy. Olardyń pikirinshe, jańa institýt zańnamalyq úderisti jetildirip, sheshimderdiń tiimdi ári jedel qabyldanýyna yqpal etýi múmkin.
«Eger bárimiz órkendegen, zamanaýi Qazaqstandy qurýdy qalasaq, aldaǵy sailaýǵa úlken jaýapkershilikpen qaraýymyz qajet. Sebebi Otanymyzdyń bolashaǵy — óz qolymyzda», — dedi spiker.
Sondai-aq ǵalymdar men sarapshylar azamattardy eldiń damýyna úles qosyp, 23 tamyzda ótetin sailaýǵa qatysýǵa shaqyrdy. Olardyń aitýynsha, qoǵamnyń belsendiligi men azamattardyń ortaq sheshim qabyldaýǵa qatysýy el bolashaǵyn qalyptastyrýda mańyzdy ról atqarady.
