رەسەيدىڭ ۋكرايناعا جاساعان اگرەسسياسىنان كەيىن فيندەر ورىستارمەن بىرىگىپ اەس سالۋدىڭ مۇمكىن ەمەس ەكەنىن ءتۇسىنىپ، كەلىسىمىنەن باس تارتتى.
– كەلىسىم-شارتتى بۇزعانىمىزدان كومپانيانىڭ قىزمەتكەرلەرىنە ازداپ زارداپ شەگۋى مۇمكىن. ءبىراق بىزدەر وسى جوبامەن اينالىسقان قىزمەتكەرلەرىمىزدى جۇمىسسىز قالدىرمايمىز، – دەدى كومپانيانىڭ باسپا ءسوز قىزمەتىنىڭ جەتەكشىسى يواحيم شپەحت.
رەسەي ۋكرايناعا قارسى سوعىس اشقاندا فينليانديانىڭ پرەمەر-مينيسترى ساننا مارين «روساتوممەن» اراداعى كەلسىمدى قايتا قاراپ، جوبانىڭ قاۋىپسىزدىگىنە ەرەكشە مەن بەرەتىندىگىن ايتقان ەدى.
«روساتوم» سانكسياعا ۇشىراعاننان كەيىن فني ۇكىمەتى رەسەيلىك كومپانيانىڭ ءقاۋىپسىز اەس سالاتىنا كۇدىك كەلتىرىپ، ولارمەن اراداعى كەلسىمدى ۇزىۋگە ءماجبۇر بولعان.
«روساتوم» مەن «Fennovoima» كومپانياسى «حانحيكيۆي-1» اەس-ىن سالۋعا 2013 جىلى ۋاعدالاسقان بولاتىن. كەلىسىمگە سايكەس ەنەرگەتيكالىق نىساننىڭ 34% اكسياسى ورىستارعا قاراسا، 66%-ى فيندەرگە بەرىلگەن-دى. قۇنى 7-7،5 ملرد ەۋروعا باعالانعان اەس-تىڭ وندىرىستىك قۋاتى 1،2 گۆت قۇراعان بولاتىن.
