رەسپۋبليكالىق تۋرنيرگە ق ر ءبىلىم جانە عىلىم مينيسترلىگى، الماتى قالاسى اكىمدىگى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، قازاقستان فۋتبول فەدەراسياسى، قازاقستاننىڭ ۇلتتىق ستۋدەنتتىك سپورت وداعىنى بەلسەنە قاتىسقانىن ايتا كەتۋىمىز كەرەك.
سپورتتىق شارانىڭ نەگىزگى ماقساتى – ستۋدەنتتىك فۋتبولدى تانىمال ەتۋ، جاستاردى پاتريوتيزمگە تاربيەلەۋ، ءبىلىم بەرۋ مەكەمەلەرىندە سپورتتىق جانە بۇقارالىق جۇمىستاردى ۇيىمداستىرۋ، جاستار اراسىندا سالاۋاتتى ءومىر سالتىن ناسيحاتتاۋ بولىپ تابىلادى.
اباي اتىنداعى ءقازۇپۋ-دىڭ، ءال-فارابي اتىنداعى قازۇۋ، س.د.اسفەندياروۆ اتىنداعى قازۇمۋ، ق.ي.ساتبايەۆ اتىنداعى قازۇتزۋ، قازۇاۋ، د. سەرىكبايەۆ اتىنداعى شقمۋ، ءى.جانسۇگىروۆ اتىنداعى جمۋ، قازاق سپورت جانە تۋريزم اكادەمياسى، «نارحوز» ۋنيۆەرسيتەتى، «تۇران» ۋنيۆەرسيتەتىنەن قۇرالعان كوماندالار ءوزارا كۇش سىناستى.
سپورتتىق شارانىڭ اشىلۋ سالتاناتىندا رەكتور تاكير بالىقبايەۆ ءتۋرنيردىڭ قاتىسۋشىلارىن قۇتتىقتادى.
– بۇگىنگى فۋتبول ءتۋرنيرىنىڭ اكادەميك ت.س.سادىقوۆتىڭ 80 جىلدىعىنا ارنالۋى ءبىزدىڭ ول كىسىگە دەگەن زور قۇرمەتىمىزدىڭ بەلگىسى. تۋرنير جاستاردىڭ اراسىندا سالاۋاتتى ءومىر سالتىن قالىپتاستىرۋعا، ولاردى پاتريوتيزم رۋحىندا تاربيەلەۋگە جانە ستۋدەنتتىك فۋتبولدى ناسيحاتتاۋعا باعىتتالعان. تۋرنيرعا ەلىمىزدىڭ 10 ۋنيۆەرسيتەتى قاتىسادى. ۇيىمداستىرۋعا اتسالىسقان اتاقتى سپورتشىلار مەن ماماندار، قازاقستاندىق فۋتبولدىڭ ارداگەرلەرى مەن شەبەرلەرى كوماندالىق ويىنداردىڭ ءادىل تورەلىگىنە كورسەتەدى! – دەدى.
قورىتىندى تۋرنير 30 قىركۇيەكتە «سپارتاك» ستاديونىندا ءوتتى. قورىتىندى جارىستاردىڭ ناتيجەسى بويىنشا1 ورىندى «قازستا»، 2 ورىندى «قازۇۋ»، 3 ورىندى «قازۇپۋ» كوماندالارى يەلەندى.
30 قىركۇيەكتە جارىس سوڭىندا ستۋدەنت-جاستار اراسىنداعى رەسپۋبليكالىق فۋتبول ءتۋرنيرىنىڭ جەڭىمپازدارىنج انە قاتىسۋشىلارىنماراپاتتاۋ ءراسىمى ءوتتى.
الەكساندر كۋلاكوۆ باستاعان تورەشىلەر القاسى جەڭىمپازداردىڭ قاتارىنان «ءتۋرنيردىڭ ۇزدىك ويىنشىسى» ايدىن مالىكوۆ (قازۇپۋ)، «ۇزدىك شابۋلداۋشى» ەلامان نيازبەكوۆ («قازستا»)، «ۇزدىك قاقپاشى» دارحان ارعىنچەيەۆ (قازۇۋ) بولدى.
بارلىق قاتىسۋشىلارعا اباي اتىنداعى قازۇپۋ-دىڭ ارنايى سىيلىقتارى تابىس ەتىلدى.
ريمما جانبايەۆا
