ءۇش ەل باسشىلارىنىڭ ۋكراياناعا قاي ۋاقىتتا، قالاي كەلەتىنى قاۋىپسىزدىك ماقستاندا جاريا ەتىلمەگەن.
بۇگىندە ەۋرووداق ەلدەرى رەسەيدىڭ ۋكرياناعا باسىپ كىرۋىن ايىپتاپ، ولارعا قارجىلاي قولداۋ كورسەتۋدە. بۇدان باسقا ۋكراينانىڭ ەۋرووداققا مۇشە بولۋ ماسەلەسى دە وسى ساپار اياسىندا كەڭىنەن تالقىلاناتىنى انىق.
بۇدان باسقا گەرمانيانىڭ قارۋ-جاراق جەتكىزۋ ماسەلەسى دە ءسوز بولۋى مۇمكىن. وسىعان دەيىن گەرمانيانىڭ كانسلەرى ولاف شولس ۋكرياناعا قارۋ-جاراق بەرۋگە ۋادە بەرەگەنى بەلگىلى. ءبىراق ونىڭ ءبارى ءسوز كۇيىندە قالعانى جاسىرىن ەمەس.
كەيبىر ساراپشىلار ەۋرووداقتىڭ جەتەكشى ءۇش ەلىنىڭ ءبىر مەزەتتە ۋكرياناعا كەلۋى رەسەي پرەزيدەنتى ۆلاديمير پۋتينگە باعىتتالعان بەلگى ەكەنىن دە ايتۋدا. ولار وسىلايشا كرەملگە ۋكرياناداعى سوعىس ەۋرووداقتىڭ بىرلىگىنە سىزات تۇسىرمەيتىنىن كورسەتكىسى كەلگەندەي...
ءبىراق 13 مامىر ايىندا فرانسيا پرەزيدەنتى ەممانۋەل ماكرون ءپۋتيننىڭ بەدەلىن ساقتاۋ ءۇشىن ورىستار باسىپ العان جەرلەرىنەن باس تارتىپ، رەسمي كييەۆ كەلىسسوز ۇستەلىنە وتىرۋى كەرەك ەكەنىن ايتقان-دى.
سول كەزدە ۋكراينانىڭ سىرتقى ىستەر ءمينيسترى دميتريي كۋلەبا «ۋكراينا ءپۋتيننىڭ ابىرويىن ساقتاۋ ءۇشىن كەلىسسوزگە بارمايتىنىن، پۋتينگە ابىروي كەرەك بولسا ءوزى ساقتاپ السىن!» دەپ شورت كەسكەن-دى.
ال پولشانىڭ ۋكرايناداعى ەلشىسى بارتوش سيحوسكيي «پۋتين حالىق الدىنداعى بەدەلىن ساقتاپ قالعىسى كەلسە، ماكرون براندەنبۋرگ پەن پيرەنەيىن بەرسىن!» دەپ كۋلەبادان اسىرىپ ايتىپ تاستاعانى ەسىمىزدە.
