ەۋرازييا كەڭٸستٸگٸندەگٸ كينو: بٸز قالاي بٸرٸگەمٸز?
«ەۋرازييا ەلەمٸ» پٸكٸرسايىس كلۋبىندا وسى جولى «كينو جەنە ادامدار: ٷلكەن ەكران كٶرەرمەندٸ بٸرٸكتٸرەدٸ» دەگەن تاقىرىپ تالقىلاندى. جيىندا باس قوسقان ساراپشىلار اتالعان تاقىرىپقا وراي ٶز پٸكٸرلەرٸن بٸلدٸردٸ.
«ەۋرازييالىق وداق كەڭٸستٸگٸندەگٸ فيلم تۋرالى ايتار بولسام, ول ەزٸرگٸ كٷنٸ بارلىق كينوتەاترلاردان كٶرسەتٸلە باستاعان «28 پانفيلوۆشى» فيلمٸ. بۇل تۋىندى تۋرالى 2009 جىلى بەرٸ ايتىپ جٷردٸ. اقىرى, جوبانى تٷسٸرۋگە اقشا جينالدى. بۇل بۇقارانىڭ كٶمەگٸمەن تٷسٸرٸلگەن العاشقى حالىقتىق فيلم» دەدٸ ٶز سٶزٸندە شارانىڭ شىمىلدىعىن تٷرگەن ساياساتتانۋشى ەدۋارد پولەتاەۆ.
قازاقفيلم كينوستۋديياسىنىڭ PR-ديرەكتورى دميتريي شيشكيننٸڭ ايتۋىنشا فيلمنٸڭ بيۋدجەتٸ 150 ملن. رۋبلدٸ قۇراعان. قالىڭ بۇقارا ٶز قالتاسىنان 35 ملن. رۋبل جيناپ بەرٸپتٸ. ول اتاپ ٶتكەندەي فيلمگە تانىمال اكتەرلەر تٷسكەن.
«الايدا ولاردىڭ ەشبٸرٸ بۇدان تابىس تابۋدى كٶزدەگەن جوق, كەرٸسٸنشە تۋىندىعا تاريحي تۋىندى رەتٸندە قارادى» دەيدٸ ول.
ٶز كەزەگٸندە قازاقستاننىڭ كينوسىنشىلار قاۋىمداستىعىنىڭ پرەزيدەنتٸ گٷلنەر ەبٸكەەۆا ەلٸمٸزدە كينوٶنٸمنەن تابىس تابۋ ەلٸ جولعا قويىلماعانىن تٸلگە تيەك ەتتٸ.
«بٸزدٸڭ قىتاي مەن رەسەي سىندى الىپ مەملەكەتتەرمەن ەرٸپتەستٸك بايلانىستا ەكەنٸمٸزدٸ ەسكەرسەك بولاشاقتا ۇلى جٸبەك جولى تۋرالى فيلم تٷسٸرٸلۋٸ مٷمكٸن. بۇدان باسقا دا تاقىرىپتار پايدا بولۋى عاجاپ ەمەس» دەدٸ ول.
ونىڭ ايتۋىنشا سوڭعى كەزدەرٸ قازاقستاننىڭ كينونارىعىنا قىزىعۋشىلىق تانىتقان كٶرشٸ ەلدەردٸڭ سانى ٶسٸپ كەلەدٸ. بيىلعى جىلدىڭ ٶزٸندە وتاندىق كينوتەاترلار قىرعىز, ورىس, ٶزبەك جەنە موڭعول فيلمدەرٸن كٶرسەتكەن.
ال ساياساتتانۋشى اندرەي چەبوتارەۆتٸڭ ايتۋىنشا سوڭعى 25 جىلدا بٸر كەزدەگٸ كسرو قۇرامىندا بولعان ەلدەردٸڭ بٸرٸكتٸرەتٸن بٸردە-بٸر تۋىندى تٷسٸرٸلمەگەن.
«وسىنىڭ كەسٸرٸنەن بٸز بٸر كەزدەگٸ باۋىرلاس ەلدەردٸڭ كينولارىن كٶرە المايتىن بولدىق.ايتالىق, گرۋزين, ارميان نەمەسە مولدوۆان باۋىرلارىمىزدىڭ تۋىندىلارىن نەگە تاماشالامايمىز?» دەدٸ ول ٶز سٶزٸندە.
وتىرىستى تٷيٸندەگەن كينوپروديۋسەر سەكەن بەلگٸباەۆتىڭ ايتۋىنشا سوڭعى جىلدارى وتاندىق كينو شىن تەۋەلسٸزدٸككە يە بولدى.
«وتاندىق كينونىڭ كٶرەرمەندەرٸ نەگٸزٸنەن ايماقتاردا. بٸر كەزدەرٸ استانا مەن الماتىدان تىس ٶڭٸرلەردە بار بولعانى 11 كينوتەاتر بولعان. ال قازٸر ولاردىڭ سانى 300-دەن اسىپ جىعىلادى» دەدٸ ول.
