ءيا، بۇل جولى «ۇلكەن دۋلىعا» بىزگە بۇيىرعان جوق. ءبىراق، لەنا بۇكىل قازاقستاندىقتاردى بىرىكتىرىپ، بىزگە ناعىز سپورت مەرەكەسىن جانە ءوز ەلىمىزگە دەگەن ماقتانىش سەزىمىن سىيلادى!
ەلەنا رىباكينا نەبارى 23 جاسىندا تەننيستەگى ەڭ بەدەلدى ەكى ءتۋرنيردىڭ فينالىندا ونەر كورسەتتى جانە بۇل ونىڭ سپورتاعى جەتىستىكتەرىنىڭ باستاۋى عانا. ول الداعى بىرنەشە جىلدا «ۇلكەن دۋلىعا» سانالاتىن ءتورت بىردەي ءتۋرنيردىڭ بارىندە جەڭىسكە جەتىپ، الەم تاريحىنداعى ەڭ مىقتى تەننيسشىلەردىڭ قاتارىنا قوسىلاتىنىنا بەك سەنەمىز!
ءبىزدى ەلەنانىڭ ارتىنان جاس ءىزباسارلارى ءوسىپ كەلە جاتقانى دا قاتتى قۋانتادى. بۇگىن مەلبۋرندە اياقتالعان تەننيستەن جاسوسپىرىمدەر اراسىنداعى Asia-Pacific Elite 14 & Under Trophy تۋرنيرىندە 14 جاستاعى جەرلەسىمىز البينا كاكەنوۆا كەرەمەت ويىن كورسەتتى.
تەننيسشىلەرىمىزگە ساتتىلىك سەرىك بولىپ، جەڭىس تۇعىرىنان تۇسپەسىن!
