بٷگٸن الماتىدا قالا جۇرتشىلىعى بەلگٸلٸ قازاقستاندىق كومپوزيتور ەركەش شەكەەۆتٸڭ 25 جاستاعى ۇلى سافار شەكەەۆتٸ اقتىق ساپارعا شىعارىپ سالۋعا جينالدى.
«قازاقكونتسەرت» زالىندا ٶتكەن قارالى جيىنعا بەلگٸلٸ قوعام جەنە مەدەنيەت قايراتكەرلەرٸ, ٶنەر جۇلدىزدارى, الماتى قالاسى ەكٸمٸنٸڭ ورىنباسارى ارمان قىرىقباەۆ, سونداي-اق سافار شەكەەۆتٸڭ دوستارى مەن ەرٸپتەستەرٸ, ونى ٸزدەۋ شارالارىنا قاتىسقان ۆولونتەرلەر, قاراپايىم قالا تۇرعىندارى كەلٸپ, مارقۇمنىڭ وتباسى مەن تۋعان-تۋىستارىنا قايعىرىپ كٶڭٸل ايتۋدا.
«قازاقكونتسەرت» زالى حالىققا لىق تولدى دەسە دە بولادى. سافاردىڭ دوستارى مەن ەرٸپتەستەرٸ ٷستەرٸنە سافاردىڭ بەينەسٸ سالىنعان جەيدە كيٸپ كەلدٸ.
«سافار ٶمٸردٸ شەكسٸز سٷيەتٸن مەنٸڭ اياۋلى دا مەيٸرٸمدٸ دوسىم ەدٸ. ول مەنٸ كەزٸندە الماتىعا جۇمىسقا شاقىرعان. جۇمىس بارىسىندا بٸز دوستاسىپ كەتتٸك. بٸز مەيٸرٸمدٸ, اياۋلى دوسىمىزدان ايرىلىپ وتىرمىز. ول ٶمٸردٸ, اتا-اناسىن, تۋعان-تۋىستارىن, دوستارىن كەرەمەت جاقسى كٶردٸ. ول رەجيسسەر بولاتىن. كينويندۋسترييا سالاسىندا الدىنا قويعان جوسپارلارى كٶپ ەدٸ.
بٸز سافاردى مەڭگٸ ەستە ساقتاۋ ٷشٸن ەندٸ بٸرقاتار شارالاردى جٷزەگە اسىرامىز. بٸز 11 كٷن بويى ۆولونتەرلار قاتارىندا بولىپ, ٸزدەۋ شارالارىنا قاتىستىق. ٷمٸتٸمٸز زور ەدٸ. امال قانشا, ٶكٸنٸشتەن ٶزەگٸمٸز ٶرتەنەدٸ.
سافاردىڭ اسىل بەينەسٸ جادىمىزدا مەڭگٸگە ساقتالادى», — دەدٸ سافاردىڭ دوسى رٷستەم تٶرەعاليەۆ.
سافار شەكەەۆ كەڭساي-2 زيراتىنا باتىرحان شٷكەنوۆتٸڭ قاسىنا جەرلەنەدٸ.
سۋرەتتەر: kaz.365info.kz سايتىنان الىندى.
