تۇركيا پرەزيدەنتى تايىپ ەردوعان رەسەي ۇشاعىن اتىپ تۇسىرگەن تۇرىك اسكەريلەرى جازالاناتىنىن، سول كەلەڭسىز وقيعا ءۇشىن كەشىرىم سۇرايتىنىن ايتىپ، رەسەيگە حات جازعانى حابارلاندى. بۇل تۋرالى الەمدىك اقپارات قۇرالدارى جارىسا جازىپ جاتىر. تۇركيا پرەمەرى بينالي يىلدىرىم رەسمي انكارا تۇرىك اسكەرى اتىپ تۇسىرگەن رەسەي ۇشاعى ءۇشىن اقشالاي وتەماقى تولەۋگە دايىن ەكەنىن دە جەتكىزىپتى.

ەردوعان ەكى ەل مۇددەسىنە ساي كەلمەيتىن كيكىلجىڭدى دوعارىپ، ەلارالىق قارىم-قاتىناستى تەز رەتتەگىسى كەلەتىنىن بۇعان دەيىن بىلدىرگەن بولاتىن.

ەستەرىڭىزگە سالا كەتەيىك، 2015 جىلى قاراشانىڭ 24ء-ى كۇنى تۇركيا اۋە قورعانىسى كۇشتەرىنىڭ اسكەري ۇشاعى «اۋە كەڭىستىگىمىزگە كىرىپ كەتتى» دەپ، رەسەيدىڭ سۋ-24 ۇشاعىن اتىپ قۇلاتقان. بۇل وقيعادان كەيىن تۇرىك پرەزيدەنتى رەجەپ تايىپ ەردوعان «رەسەي ۇشاعىنىڭ تۇركيانىڭ سيريامەن شەكاراسىن بۇزىپ كىرگەنىن، ءبىراق ءوز ەلىنىڭ ۇشاق اتۋ وقيعاسىنا قاتىسى رەسەيمەن قارىم-قاتىناسىن ۋشىقتىرعىسى كەلمەيتىنىن ايتقان-تىن. ۇشاقتان پاراشيۋتپەن سەكىرىپ تۇسكەن ۇشقىشتاردىڭ ءبىرىن «سيرياداعى كوتەرىلىسشىلەر اتىپ ولتىرگەنى» حابارلانعان. رەسەي پرەزيدەنتى ۆلاديمير پۋتين بۇل وقيعانى «تۋ سىرتىمىزدان بەرىلگەن سوققى» دەپ اتاپ، تۇركياعا سانكسيا جاريالاعان ەدى.