تٷركييا پرەزيدەنتٸ رەجەپ تايىپ ەردوعان 24 قازاندا فرانتسييا پرەزيدەنتٸ ەممانۋەل ماكروندى مۇسىلماندارعا كٶزقاراسى ٷشٸن اشىق سىناپ, "ٶزٸنٸڭ پسيحيكاسىن ەمدەۋ كەرەك" دەدٸ.
وسىنىڭ الدىندا ماكرون فرانتسۋز رەسپۋبليكاسىنىڭ زايىرلى قۇندىلىقتارىن راديكالدى يسلامنان قورعاۋىمىز كەرەك دەپ مەلٸمدەگەن. بۇل سٶزدەر ەردوعاننىڭ اشۋىنا تيگەن.
"ەرتٷرلٸ كونفەسسييانىڭ ميلليونداعان ٶكٸلٸنٸڭ "پسيحيكاسىن ەمدەۋ" كەرەك دەپ ايتقان مەملەكەت باسشىسى تۋرالى نە ايتۋعا بولادى", – دەگەن ەردوعان.
ماكرون مەن ەردوعان اراسىندا جەرورتا تەڭٸزٸنٸڭ شىعىسىنا, ليۆييا, سيرييا جاعدايىنا قاتىستى پٸكٸر قايشىلىقتارى بار.
ماكرون قازان ايىنىڭ باسىندا يسلامدى "ەلەمدٸك داعدارىس" دەپ اتاعان. پرەزيدەنت جەلتوقسان ايىندا ٷكٸمەت 1905 جىلى قابىلدانعان شٸركەۋدٸ فرانتسۋز مەملەكەتٸنەن اجىراتاتىن زاڭدى نىعايتاتىن زاڭ جوباسىن ۇسىناتىنىن ايتقان.
