ەلىمىزدە كولىك يەلەرىنە ارنالعان جاڭا سيفرلىق قىزمەت ىسكە قوسىلدى، – دەپ حابارلايدى Dalanews.kz.
ەلىمىزدە كولىك قۇرالدارىنىڭ يەلەرىنە حابارلاما جىبەرۋ ءۇشىن جاڭا سيفرلىق قىزمەت ىسكە قوسىلدى. بۇل تۋرالى ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ حابارلادى.
مالىمەتكە سۇيەنسەك، ونى ەنگىزۋ جالپىعا ورتاق پايدالانىلاتىن جولداردا قاۋىپسىزدىك پەن ىڭعايلىلىقتى قامتاماسىز ەتەدى.
"ەگەر ءسىز تەرەزەسى اشىق قالعان نەمەسە وتۋگە كەدەرگى كەلتىرىپ تۇرعان كولىكتى بايقاساڭىز، مەملەكەتتىك ءنومىردى تەرىپ، قاجەتتى تەتىكتى تاڭداساڭىز جەتكىلىكتى. كولىك يەسىنە ءانونيمدى حابارلاما جىبەرىلەدى. بۇل سەرۆيس ءوزارا كومەكتەسۋدىڭ ءارى ازاماتتىق جاۋاپكەرشىلىكتىڭ قۇرالىنا اينالادى دەپ سەنەمىز"، - دەپ اتاپ ءوتتى جاسلان مادييەۆ.
