قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ Employment Permit System (EPS) جٷيەسٸ ارقىلى قازاقستان ازاماتتارىن كورەيا رەسپۋبليكاسىندا جۇمىسقا ورنالاستىرۋ ٷشٸن ٸرٸكتەۋ تەرتٸبٸن تٷسٸندٸردٸ, دەپ حابارلايدى dalanews.kz.
پراكتيكالىق ٸرٸكتەۋ الماتى قالاسىندا EPS ورتالىعى اشىلعاننان كەيٸن باستالادى. وسى ورتالىقتا كانديداتتاردىڭ كورەي تٸلٸن قانشالىقتى بٸلەتٸنٸ EPS-TOPIK تەستٸ ارقىلى انىقتالادى. سونىمەن قاتار ولاردىڭ كەسٸبي بٸلٸمٸ مەن داعدىلارى باعالانادى. كورەيا رەسپۋبليكاسىنا اتتانار الدىندا جۇمىسشىلار ٷشٸن مٸندەتتٸ دايىندىق تا ۇيىمداستىرىلادى. ٸرٸكتەۋ بارىسىندا ازاماتتىڭ بٸلٸمٸ, ەڭبەك ٶتٸلٸ جەنە بار كەسٸبي سەرتيفيكاتتارى ەسكەرٸلەدٸ.
كورەياعا جۇمىسقا بارۋعا 18-دەن 39 جاسقا دەيٸنگٸ جاستار قاتىسا الادى. بۇل رەتتە ازاماتتىڭ سوتتالماعان بولۋى, كورەيا رەسپۋبليكاسىنان بۇرىن كٷشتەپ شىعارىلماعانى جەنە ەلگە كٸرۋگە تىيىم سالىنباعانى ەسكەرٸلەدٸ. سونداي-اق قازاقستاننان شەتەلگە شىعۋىنا ەشقانداي شەكتەۋ بولماۋى قاجەت. كانديداتتار بەلگٸلەنگەن تالاپتارعا ساي بالدىق جٷيە ارقىلى باعالانادى.
قاجەتتٸ تالاپتارعا ساي كەلٸپ, بارلىق كەزەڭنەن سەتتٸ ٶتكەن ازاماتتار رەسمي جۇمىس ٸزدەۋشٸلەر تٸزٸمٸنە ەنگٸزٸلەدٸ. بۇل ٷشٸن جارامدى تٶلقۇجاتتىڭ بولۋى جەنە مەديتسينالىق تەكسەرۋدەن ٶتۋٸ مٸندەتتٸ.
جەكە ماعلۇماتتا بٸلٸمٸ, كەسٸبي تەجٸريبەسٸ, سەرتيفيكاتتارى, تەستٸلەۋ نەتيجەلەرٸ جەنە قانداي جۇمىسقا ورنالاسقىسى كەلەتٸنٸ تۋرالى مەلٸمەتتەر كٶرسەتٸلەدٸ. وسى اقپاراتتىڭ نەگٸزٸندە كورەيلٸك جۇمىس بەرۋشٸلەر بەلگٸلەنگەن ٸرٸكتەۋ كەزەڭدەرٸنەن ٶتكەن ازاماتتاردىڭ اراسىنان ٶزدەرٸنە قاجەتتٸ قىزمەتكەردٸ تاڭداي الادى.
بۇل رەتتە ماڭىزدى نەرسەگە نازار اۋدارۋ قاجەت: ەمتيحاننان ٶتۋ جەنە رەسمي كانديداتتار تٸزٸمٸنە ەنگٸزٸلۋ ازاماتتىڭ كورەيادا اۆتوماتتى تٷردە جۇمىسقا ورنالاساتىنىن بٸلدٸرمەيدٸ. كانديداتتاردى تٷپكٸلٸكتٸ تاڭداۋ قۇقىعى كورەيلٸك جۇمىس بەرۋشٸگە تيەسٸلٸ. ياعني جۇمىس بەرۋشٸ تٸركەلگەن كانديداتتاردىڭ اراسىنان ٶزٸنە قاجەتتٸ قىزمەتكەردٸ ٶزٸ تاڭدايدى.
EPS جٷيەسٸ بويىنشا كورەيا رەسپۋبليكاسىنا جۇمىسقا قابىلداناتىن قازاقستان ازاماتتارىنىڭ سانى جىل سايىن كورەيا تاراپى ايقىندايتىن كۆوتاعا سەيكەس بەلگٸلەنەدٸ.
جۇمىس بەرۋشٸ كانديداتتى تاڭداعان سوڭ ەڭبەك شارتىن ۇسىنادى. قول قويۋعا دەيٸن قىزمەتكەرگە قانداي جۇمىستى اتقاراتىنى, جۇمىس ۋاقىتى, ەڭبەك جاعدايلارى جەنە باسقا دا ماڭىزدى تالاپتار تٷسٸندٸرٸلەدٸ. ەكٸ تاراپ قول قويعاننان كەيٸن ەڭبەك شارتىنىڭ تٷپنۇسقاسى قىزمەتكەرگە بەرٸلەدٸ.
كورەياعا جۇمىسقا باراتىن ازامات ٷشٸن الدىن الا دايىندىق كەزەڭٸ قاراستىرىلعان. ول الماتى قالاسىنداعى EPS ورتالىعىندا ٶتكٸزٸلەدٸ. دايىندىق اياقتالىپ, جۇمىس ۆيزاسى رەسٸمدەلگەننەن كەيٸن ازامات كورەياداعى جۇمىس ورنىنا اتتانادى.
EPS جٷيەسٸ بويىنشا جۇمىس ٸستەۋ مەرزٸمٸ ٷش جىلعا دەيٸن بولۋى مٷمكٸن. زاڭنامادا كٶزدەلگەن جاعدايلاردا بۇل مەرزٸمدٸ تاعى بٸر جىل ون ايعا دەيٸن ۇزارتۋعا بولادى. بەلگٸلەنگەن جۇمىس مەرزٸمٸن تولىق اياقتاپ, قازاقستانعا ٶز ەركٸمەن قايتىپ كەلگەن جۇمىسشىلارعا كورەيا رەسپۋبليكاسىنا كەيٸن قايتا بارۋ ٷشٸن نەعۇرلىم قولايلى جاعدايلار قاراستىرىلعان.
ەڭبەك مينيسترلٸگٸ كورەيادا جۇمىس ٸستەۋدٸ جوسپارلاپ وتىرعان ازاماتتارعا تەك مەملەكەتتٸك ورگاندار مەن ۋەكٸلەتتٸ ۇيىمداردىڭ رەسمي اقپاراتىن پايدالانۋدى ەسكەرتەدٸ. ازاماتتار «جۇمىسقا مٸندەتتٸ تٷردە ورنالاستىرامىز», «ٸرٸكتەۋدەن جەدەل ٶتكٸزەمٸز» نەمەسە «بەلگٸلەنگەن تەرتٸپتەن تىس كانديداتتار تٸزٸمٸنە ەنگٸزەمٸز» دەپ ۋەدە بەرەتٸن جەكە دەلدالدارعا قۇجاتتارىن نەمەسە اقشاسىن بەرمەۋٸ قاجەت.
بٸردە-بٸر جەكە دەلدال ازاماتقا كورەيادا جۇمىسقا ورنالاسۋعا كەپٸلدٸك بەرە المايدى. سەبەبٸ كانديداتتاردى تٷپكٸلٸكتٸ تاڭداۋدى كورەيلٸك جۇمىس بەرۋشٸ جٷزەگە اسىرادى.
تٸركەۋدٸڭ ناقتى قاشان باستالاتىنى, قۇجاتتاردى تاپسىرۋ تەرتٸبٸ, EPS-TOPIK تەستٸن ٶتكٸزۋ مەرزٸمٸ مەن تەرتٸبٸ, سونداي-اق ٸرٸكتەۋدٸڭ باسقا دا كەزەڭدەرٸ تۋرالى اقپارات قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ رەسمي رەسۋرستارىندا قوسىمشا جارييالانادى.
