ۇلتتىق ستاتيستيكا بيۋروسى دەپارتامەنتىنىڭ قىزمەتكەرلەرى، ينتەرۆيۋەرلەر، ەرىكتىلەر بۋكلەتتەر تاراتىپ، سۇراقتارعا جاۋاپ بەردى، پلانشەتتەر ارقىلى قالاي تىركەلۋگە بولاتىنىن كورسەتىپ، ونلاين ساناقتان وتۋگە تىلەك بىلدىرۋشىلەردىڭ بارلىعىنا كومەكتەستى.
– حالىق ساناعى قاجەتتى جۇمىس ورىندارىن قۇرۋ، ەڭبەك رەسۋرستارىنا تالداۋ جاساۋ، بالاباقشالاردا، الەۋمەتتىك مەكەمەلەردە ورىندار قۇرۋ جانە مەملەكەتتىك باعدارلامالاردى ازىرلەۋ ءۇشىن ەلىمىزدىڭ دەموگرافيالىق كورىنىسىن كورۋگە مۇمكىندىك بەرەدى. بۇگىنگى تاڭدا ەلوردانىڭ 600 مىڭنان استام تۇرعىنى حالىق ساناعىنان ءوتتى، – دەپ اتاپ ءوتتى نۇر-سۇلتان قالاسى بويىنشا ۇلتتىق ستاتيستيكا بيۋروسى دەپارتامەنتىنىڭ باس مامانى ايبەك قالييەۆ.
ەلوردا تۇرعىندارى حالىق ساناعىنا بەلسەندى قاتىسۋدا. بۇعان دەيىن ەلوردالىق قحا، ۇەۇ وكىلدەرى قالا تۇرعىندارىن ساناق ناۋقانىنا قاتىسۋعا شاقىردى، سونداي-اق ەرىكتىلەر ءۇي-ۇيدى ارالاۋ جۇمىستارىنا قوسىلدى. ەلوردادا بۇگىنگى تاڭدا شامامەن 1،5 مىڭ ينتەرۆيۋەر-ساناۋىش حالىق ساناعىنان وتۋگە كومەكتەسەدى.
ەستەرىڭىزگە سالا كەتەيىك، ينتەرۆيۋەرلەردىڭ وفلاين ارالاۋ جۇمىستارى 30 قازانعا دەيىن جالعاسادى.
ۇلتتىق ستاتيستيكا بيۋروسى ونلاين ساناقتان وتكەندەرگە ينتەرۆيۋەرگە حابارلاما ءنومىرىن كورسەتۋ قاجەت ەكەنىن ەسكە سالدى. ولار قايتادان سۇرالمايدى.
ينتەرۆيۋەرلەردى ساناقتىڭ لوگوتيپى بار كوك ءتۇستى شارفى مەن سومكەسى بويىنشا تانۋعا بولادى، بۇدان باسقا، ءارقايسىسىندا پلانشەت جانە ينتەرۆيۋەر كۋالىگى بولۋى ءتيىس. كۋالىكتە كورسەتىلگەن تىركەۋ ءنومىرى بويىنشا sanaq.gov.kz سايتىنان ينتەرۆيۋەردىڭ جەكە باسىن تەكسەرۋگە بولادى. سونداي-اق، مۇنى 1446 نومىرىنە قوڭىراۋ شالۋ ارقىلى دا جاساۋعا بولادى.
ايتا كەتەيىك، حالىق ساناعىن ونلاين وتكىزۋ مۇمكىندىگى توقتاتىلعاننان كەيىن مەرزىمدى ۇزارتۋ تۋرالى كوپتەگەن وتىنىشتەر كەلىپ ءتۇستى. وسىعان بايلانىستى sanaq.gov.kz سايتىنداعى ونلاين-ساۋالناما فۋنكسياسىن قايتا جۇكتەۋ تۋرالى شەشىم قابىلداندى.
[video width="1920" height="1080" mp4="https://dalanews.kz/wp-content/uploads/2021/10/VID-20211025-WA0003.mp4"][/video]
