ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى ۇيىمداستىرعان ءىس-شارا وفلاين جانە ونلاين فورماتىندا بولدى.
– باس قوسۋىمىزدىڭ سەبەبى – قازاقستان رەسپۋبليكاسىنىڭ كونستيتۋسيا كۇنى. بۇل ماڭىزدى مەملەكەتتىك مەرەكە. بۇگىنگى ءىس-شارادا كونستيتۋسيامىزدىڭ دايىندالۋىنا، ونىڭ جاڭعىرتىلۋىنا ۇلەس قوسقان ەلىمىزدىڭ تانىمال زاڭگەرلەرى، قۇرمەتتى ازاماتتارى وتىر. دوڭگەلەك ۇستەل وتكىزۋىمىزدىڭ تاعى ءبىر سەبەبى – «قاسىم-جومارت توقايەۆ. قازاقستان رەسپۋبليكاسى پرەزيدەنتىنىڭ تاڭدامالى ەڭبەكتەرى» كىتابىنىڭ تۇساۋكەسەرى. «CNPC International in Kazakhstan LTD» كومپانياسىنىڭ قولداۋىمەن قازاقستان-نەمىس ۋنيۆەرسيتەتىنىڭ حالىقارالىق جانە ايماقتىق ىنتىماقتاستىق عىلىمي-زەرتتەۋ ينستيتۋتى دايىنداعان. باسىلىمنىڭ جاۋاپتى رەداكتورى – حالىقارالىق جانە ايماقتىق ىنتىماقتاستىق عىلىمي-زەرتتەۋ ينستيتۋتى ديرەكتورى، تاريح عىلىمدارىنىڭ دوكتورى، پروفەسسور بولات سۇلتانوۆ، – دەدى جيىندى اشقان قازاقستان ستراتەگيالىق زەرتتەۋلەر ينستيتۋتىنىڭ ديرەكتورى زارەما شاۋكەنوۆا.
دوڭگەلەك ۇستەلگە قاتىسۋشىلار قازاقستانداعى كونستيتۋسيالىق قۇرىلىستىڭ وزەكتى ماسەلەلەرىن، قازاقستان رەسپۋبليكاسىنىڭ تۇڭعىش پرەزيدەنتى ەلباسى ن.نازاربايەۆتىڭ يدەيالىق شابىتتاندىرۋشى جانە قازاقستان رەسپۋبليكاسى كونستيتۋسياسىنىڭ اۆتورى رەتىندە مەملەكەتىمىزدىڭ بەرىك قۇقىقتىق نەگىزىن قۇرۋداعى ۇلەسىن، ەل پرەزيدەنتى ق.توقايەۆتىڭ ەلىمىزدىڭ نەگىزگى زاڭىنىڭ مىزعىماستىعىنىڭ كەپىلى رەتىندەگى جەتەكشى ءرولىن تالقىلادى.
