ەلدەگٸ ەڭ تانىمال بانك كليەنتتەرٸنە اقشا قايتارىپ جاتىر

شەتەلدە تٶلەم جاساعاننان كەيٸن كەيبٸر كليەنتتەردٸڭ شوتىنا اقشا قايتۋى بايقالدى, دەپ حابارلايدى dalanews.kz.

Kaspi.kz پايدالانۋشىلارى شەتەل ۆاليۋتاسىمەن تٶلەم جاساعان سوڭ شوتقا ازداعان سوما قايتا تٷسەتٸنٸن بايقاعان. بۇل جاعداي ەلەۋمەتتٸك جەلٸلەردە تالقىلانىپ جاتىر.

«سٸز شەتەل ۆاليۋتاسىندا تٶلەم جاساعاندا, الدىمەن سوما بٸر كۋرس بويىنشا ۋاقىتشا بۇعاتتالادى. ال ناقتى ەسەپتەن شىعارۋ بٸرنەشە كٷننەن كەيٸن – وپەراتسييا راستالعان سەتتەگٸ ناقتى كۋرس بويىنشا جٷرگٸزٸلەدٸ. ەگەر وسى ۋاقىت ارالىعىندا كۋرس تٶمەندەسە, ايىرماشىلىق شوتقا قايتارىلادى. ال ٶسسە – تٷپكٸلٸكتٸ ەسەپتەن شىعارۋ كٶبٸرەك بولۋى مٷمكٸن», – دەپ تٷسٸندٸردٸ Kaspi.kz.

وسىلايشا, شوتقا قايتقان قاراجات بونۋس ەمەس, ۆاليۋتا باعامىنىڭ ايىرماسىنان قالىپتاسادى. سوندىقتان كەيبٸر كليەنتتەرگە اقشا قايتارىلسا, باسقالارىندا كەرٸسٸنشە ارتىق ەسەپتەن شىعۋى مٷمكٸن.

بانك ٶكٸلدەرٸنٸڭ ايتۋىنشا, بۇل – حالىقارالىق تٶلەمدەردەگٸ ستاندارتتى تەجٸريبە.