ساياساتكەر مۇحتار تايجان بيىلعى قۋاڭشىلىققا بايلانىستى ٷكٸمەت جەدەل تٷردە تٶتەنشە جاعداي جارييالاۋى كەرەكتٸگٸن ايتتى دەپ حابارلايدى Dalanews.kz.
الماتى وبلىسىنا قاراستى كەگەن اۋىلىنا ارنايى بارعان ساياساتكەر ٶزٸنٸڭ ايتۋىنشا “ٶتە قورقىنىشتى” جاعدايعا كۋە بولعان.
“اۋىلداعى احۋال اۋىر, اپاتتىڭ الدىندا تۇر. جايىلىم جوق جەر جوقتىڭ قاسى, بۇعان بيىلعى جىلعى قۋاڭشىلىق قاباتتاسىپ, اۋىلداعى اعايىننىڭ اپاي-توپايىن شىعارعان جايى بار”, – دەيدٸ ول.
كەگەندەگٸ جاعدايدى كٶزبەن كٶرگەن مۇحتار تايجان ماڭعىستاۋ مەن قىزىلوردا وبلىسىنداعى ٸرٸ قارا مەن ۇساق مالدىڭ اشتىقتان قىرىلۋى جاپپاي ەل كٶلەمٸندە ورىن الۋى مٷمكٸن دەيدٸ. سونىڭ سالدارىنان اۋىلداعى جۇرتتىڭ ەلەۋمەتتٸك جاعدايى كٷرت تٶمەندەپ, ال ازىق-تٷلٸكتٸڭ باعاسى اسپانداپ كەتەدٸ.
“ەرتەڭگٸ كٷنٸ ەتتٸڭ باعاسى شارىقتاپ شىعا كەلسە, مۇنىڭ ەسەرٸن كٷللٸ قازاقستان حالقى سەزٸنەدٸ. دەل بٸز اسا كٷردەلٸ, ٶتە قاۋٸپتٸ جاعدايدىڭ الدىندا تۇرمىز.
ٷكٸمەت حالىقتىڭ سٶزٸنە قۇلاق اسىپ, ەلدە تٶتەنشە جاعداي جارييالاۋى كەرەك! اشتىقتان امان قالعان تٶرت تٷلٸكتٸ جەم-شٶپپەن قامتاماسىز ەتۋ ماقساتىندا مەملەكەت دەڭگەيٸندە ارنايى شتاب قۇرىلۋى قاجەت!
قۋاڭشىلىق اۋىلداعى حالىقتى القىمنان الىپ, جەم-شٶپتٸڭ تاپشىلىعى شارۋالاردى قىسىپ بارادى. مالمەن كٷن كٶرٸپ وتىرعان ەلدٸڭ تٶزٸمٸ تاۋسىلۋعا تاقاۋ. بۇل ناعىز تٶتەنشە جاعداي. قالالىق جەردەگٸ قاۋىم مۇنى ەلٸ سەزٸنە قويعان جوق. الايدا قازٸردەن باستاپ قام جاساماق, مۇنىڭ زارداپتارىن ەرتەڭگٸ كٷنٸ مۇنى قالا تۇرعىندارى دا ايقىن سەزٸنەتٸن بولادى”, – دەيدٸ تايجان.
ساياساتكەردٸڭ پٸكٸرٸنشە, وسى كٷنگە دەيٸن بانكيرلەرگە, قۇرىلىس كومپانييالارىنا قول ۇشىن سوزىپ, سۇراۋسىز ميللياردتاردى ٷستٸ-ٷستٸنە اۋدارىپ كەلگەن ٷكٸمەت دەل وسى شاقتا اۋىل تۇرعىندارىن قۇتقارۋى قاجەت.
ايتا كەتەلٸك, بۇدان بۇرىن ماڭعىستاۋ وبلىسىنىڭ تۇرعىندارى وبلىس كٶلەمٸندە تٶتەنشە جاعداي جارييالاۋ كەرەك دەپ دابىل قاققان ەدٸ. ايماقتا قۋاڭشىلىقتان شٶپ شىقپاي قالعان. قۇدىقتاعى جەراستى سۋى دا تارتىلا باستاعان.
جىل باسىنان بەرٸ ٶڭٸردە 1400-گە جۋىق جىلقى, قوي, تٷيە قىرىلدى. جەم-شٶپ باعاسى دا شارىقتاپ كەتكەن.
قازٸر بٸر قاپ كەبەكتٸڭ باعاسى – 2000 تەڭگە, بٸر باۋ شٶپتٸڭ قۇنى 16 000 تەڭگەگە ٶسكەن. سوندىقتان شارۋالار مال ازىعىن الۋعا مەملەكەت تاراپىنان كٶمەك كەرەك دەيدٸ. ال ەكٸمدٸك مەسەلەنٸ شەشۋگە قارجى بٶلٸندٸ دەپ وتىر.
