مەموريالدىڭ اشىلۋ رەسٸمٸ اياسىندا نۇرسۇلتان نازارباەۆ «ۇلى دالا بٸرلٸگٸ» كاپسۋلاسىن سالدى. كاپسۋلاعا قازاقستاننىڭ بارلىق ٶڭٸرلەرٸندەگٸ كيەلٸ جەرلەردٸڭ توپىراعى جينالعان.
«قازاق حاندىعىنا ارنالعان مەموريالدىق كەشەن» قازاق حاندىعىنىڭ نەگٸزٸن قالاۋشىلاردىڭ قۇرمەتٸنە تۇرعىزىلعان. مەموريالدىڭ ارحيتەكتۋرالىق شەشٸمٸ – بيٸكتٸگٸ 7 مەترلٸك ساتىلى 21 پيلوننان تۇراتىن, ديامەترٸ 35 مەترگە تەڭ كيٸز ٷي بەينەلٸ كومپوزيتسييا.
سەۋلەت كەشەنٸنٸڭ ورتالىق بٶلٸگٸندەگٸ گرانيت تۇعىردا حاندار ۇستايتىن اساتاياق پٸشٸندەس, بيٸكتٸگٸ 12 مەترگە تەڭ ستەلا ورناتىلعان. ونىڭ تٷبٸندە تٶرت تاۋتەكە مٷسٸنٸ بار. ورتالىق كومپوزيتسييانى ٸشكٸ جاعىنان ۇزىندىعى 28 مەترلٸك «قازاق حاندىعىنىڭ تاريحى» بارەلەفٸ قورشاپ تۇر.
