اقتولقىن قۇلسارييەۆا[/caption]
اقتولقىن قۇلسارييەۆا،
فيلوسوفيا عىلىمدارىنىڭ دوكتورى، پروفەسسور،
ۇعا مۇشە-كوررەسپوندەنتى.
اباي اتىنداعى قازۇپۋ-دىڭ وقۋ ءىسى جونىندەگى پرورەكتورى
بۇگىندە الەمنىڭ وزىق دامىعان وتىز ەلىنىڭ قاتارىنان ءوز ورنىن نىقتاپ العالى وتىرعان قازاقستان تەك ءيسى قازاقتىڭ عانا ەمەس، سونىمەن قاتار، جۇزدەن استام ۇلىستىڭ باسى قوسىلعان قۇتتى مەكەن. ادام ادام بولعالى جەر ءۇستiندەگi ءوزىنىڭ جۇماعىن iزدەپ كەلەدi. ەلدىڭ وڭاشا ويعا كومگەن حاكىمدەرى، اقىلمان-ويشىلدارى بولسىن، ارتىنا جۇرتىن ەرگىزگەن كوشباسشىلارى بولسىن – ءبارى-بارى «قوي ۇستىندە بوزتورعاي جۇمىرتقالايتىن» جەرۇيىقتى جەلمايامەن ىزدەگەن ارمانشىل اسان-قايعىداي ءوز ەلىنە «مالعا شۇيگىن جەرى بار، جانعا جايلى ەلى بار» بولاشاق تىلەيتىنى ءمالىم. الەۋمەتتىك كەلىسىم نەگىزىندە سۇتتەي ۇيىپ وتىرعان، ءورىسى مالعا، قويماسى دانگە، ءۇي-ىشى جانعا تولىپ وتىرعان قازىرگى قازاقستان جەرۇيىق ەمەي، نەمەنە؟! تۇپتەپ كەلگەندە، جەرۇيىق دەپ الەۋمەتتىك كەلىسىم نەگىزىندە ەل-جۇرتى بەيبىت راحات ءومىر سۇرەتىن، ادامگەرشىلىك پەن باۋىرلاستىققا باس ۇرعان قۇتتى قونىستى ايتادى. قازاقستاندى جەرۇيىققا بالايتىن نۇرلى بولاشاققا اپارار جولدىڭ باسىم قوعامدىق قۇندىلىقتارى – بىرلىك، تۇراقتىلىق، گۇلدەنۋ.
حالقىمىزدىڭ بيىك ازاماتتىق رۋحى، ەلجاندى تاتۋلىق قاسيەتى تاۋەلسىز مەملەكەتىمىزدىڭ وتكەن 23 جىلدىق تاريحي جولىندا ايرىقشا ماڭىزدى بولدى. تاۋەلسىز دامۋ جىلدارىندا ءبىز جاڭا مەملەكەت، جاڭا قوعام قۇرىپ، جاھاندانعان دۇنيەدە ءومىر ءسۇرىپ، جۇمىس ىستەي الاتىن جاڭا ۇرپاق تاربيەلەدىك. قازىرگى زامان الەۋمەتتىك كاپيتال جارىسىنىڭ زامانى ەكەنى بەلگىلى. ءبىزدىڭ اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ وقىتۋشىلارى مەن ستۋدەنتتەرى قازاقستاننىڭ جارقىن بولاشاعى ادامي كاپيتال بايلىعىنا، الەمدىك باسەكەگە قابىلەتتى ساپالى ماماندار دايارلاۋعا تاۋەلدى ەكەندىگىن بىلە وتىرىپ، وسى جولدا جوعارى وقۋ ورىندارى ءرولىنىڭ ماڭىزى زورلىعىن تۇسىنەدى. بۇگىنگى جاستاردىڭ كەز كەلگەنى ءورشىل – وزگەرىستەردەن قايمىقپايدى، بيىك ماقساتتار ءۇشىن ءومىر ءسۇرىپ، ءبىلىم الىپ، ەڭبەك ەتەدى. بۇگىنگى ستۋدەنت – ەرتەڭگى ازامات، قازاق ەلىنىڭ بولاشاعى. سولاردى تولىققاندى تۇلعا رەتىندە تاربيەلەۋ – وقىتۋشىلار مۇددەسى، قوعام مۇددەسى.
قاي سوزىندە بولماسىن ۇلتىمىزدىڭ ماڭدايىنا بىتكەن باعى دا، كوزىنىڭ قاراشىعىنداي قورعاشتاۋى ءتيىس باستى جەتىستىگى دە، تۋ ەتىپ ۇستار ۇلى قۇندىلىعى دا تاۋەلسىزدىك ەكەندىگىن نىقتاپ وتىراتىن ەلباسى تاۋەلسىزدىگىمىزدىڭ باياندىلىعىن قامتاماسىز ەتەتىن سارا جول الەۋمەتتىك كەلىسىم مەن ىنتىماقتان سالىناتىندىعىن تەرەڭ ءتۇسىنىپ قانا قويماي، سوعان قوعامداعى بارلىق كۇشتى جۇمىلدىرا بىلەدى. ەندەشە، الەۋمەتتى الەمدىك دەڭگەيگە جەتەلەيتىن نەگىزگى ساياسي باعدارلامالاردىڭ (ەل دامۋىنىڭ ۇزاق مەرىزىمدى باسىمدىقتارىن انىقتاعان قازاقستان 2050 ستراتەگياسى مەن «نۇرلى جول» باعدارلاماسىنىڭ) ۇيىتقىسى بولىپ وتىرعان ەلباسى ن. ءا. نازاربايەۆ مەرىزىمىنەن بۇرىن وتكەلى وتىرعان قازاقستان رەسپۋبليكاسىنىڭ پرەزيدەنتىن سايلاۋعا ءوز كانديداتۋراسىن ۇسىنسا كوپشىلىك قولداۋىن كورىپ، حالىق ىقىلاسىن يە بولار ەدى.
قازاقستان حالقىنا پرەزيدەنت سايلاۋىنىڭ مەرىزىمىنەن بۇرىن وتەتىندىگىن حابارلاۋ بارىسىنداعى ۇندەۋىندە ەلباسىمىزدىڭ ءوزى ايتىپ كەتكەندەي، «قازاق – تاريحي جادى مىقتى، سوڭىنا قاراپ تاۋبەسىن ايتقان، جولىنا قاراپ تاۋەكەل ەتكەن حالىق». ەندەشە، ن.ءا. نازاربايەۆتىڭ دا «نار تاۋەكەل» دەپ، وسى سايلاۋعا قاتىسقانىن قالاعان قالىڭ حالىقتىڭ دىتتەگەنى ورىندالادى دەپ سەنەمىز.
زەينوللا اباجانوۆ
