ەكس-سپورت ۆيسە-مينيسترى ەرلان قوجاعاپانوۆ 1 ميلليارد تەڭگە كولەمىندەگى قارجى جىمقىرۋ ءىسى بويىنشا قىزمەتتىك وكىلەتتىگىن اسىرا پايدالاندى دەپ تانىلىپ، 3 جىلعا باس بوستاندىعىنان ايىرىلدى، دەپ حابارلايدى Dalanews.kz.
استاناداعى قىلمىستىق ىستەر جونىندەگى سوت بۇرىنعى مادەنيەت جانە سپورت ۆيسە-مينيسترى ەرلان قوجاعاپانوۆتى 3 جىلعا باس بوستاندىعىنان ايىرۋ تۋرالى ۇكىم شىعاردى.
قوجاعاپانوۆقا ق ر قىلمىستىق كودەكسىنىڭ 361-بابى، 4-بولىگى – "قىزمەتتىك وكىلەتتىكتى اسىرا پايدالانۋ، اۋىر سالدارعا اكەلگەن ارەكەت" بويىنشا ايىپ تاعىلدى.
ايىپ 2018 جىلى وتكەن قازاقستان مەن رەسەي اراسىنداعى ءوڭىرارالىق ىنتىماقتاستىق فورۋمىن ۇيىمداستىرۋعا بولىنگەن 1 ميلليارد تەڭگەنى جىمقىرۋ ىسىنە بايلانىستى قوزعالدى.
ءىستىڭ ەكىنشى فيگۋرانتى – فورۋمدى ۇيىمداستىرعان Success K كومپانياسىنىڭ باسشىسى ءلاززات كوككوزوۆا ق ر قك-نىڭ 190-بابى، 4-بولىگى – "اسا ءىرى كولەمدەگى الاياقتىق" بابى بويىنشا 5 جىلعا سوتتالدى.
قوجاعاپانوۆقا قاتىستى سوت پروسەسى 5 ايدان استام ۋاقىتقا سوزىلدى. ول وزىنە تاعىلعان ايىپتاردىڭ ساياسي استارى بارىن، كۋالارعا قىسىم كورسەتىلگەنىن ايتىپ، ءتىپتى ءىستى نەيروجۇيەگە بەرىپ، ءادىل شەشىم شىعارۋ كەرەك دەگەن ۇسىنىس تا جاساعان.
ەسكە سالايىق، بۇعان دەيىن مادەنيەت جانە سپورت ءمينيسترىنىڭ بۇرىنعى ورىنباسارى ەرلان قوجاعاپانوۆ سوتتاعى ءجارىسسوز كەزىندە وزىنە تاعىلعان ايىپتاردى جوققا شىعارىپ، تەرگەۋ بارىسىن سىنعا العان ەدى. ول تەرگەۋ ءىسىنىڭ قولدان قۇراستىرىلعانىن، ال كۋالارعا قىسىم جاسالعانىن مالىمدەدى. بۇل تۋرالى Dalanews.kz Bes.media-عا سىلتەپ حابارلادى.
قوجاعاپانوۆتىڭ ايتۋىنشا، وعان تاعىلعان ايىپتار كۋاگەرلەردىڭ ءوز كورسەتۋلەرىمەن-اق تەرىسكە شىققان، ونىڭ ىشىندە مەملەكەتتىك ايىپتاۋشى تاراپتىڭ كۋالارى دا بار.
“سوڭعى بەس ايداعى 50 سوت وتىرىسىن ەلەمەگەندەي. كۋالاردىڭ كوز جاسىن، ‘سيرك’، ‘مازاق’ دەگەن سوزدەردى ۇمىتىپ كەتكەندەي. پروكۋرور ۇسىنعان قۇجاتتارعا ءسىز دە كۇلدىڭىز، قۇرمەتتى سۋديا. (...) كۋالار شىندىقتى ايتتى، ال ول شىندىق تەرگەۋ ورگاندارىنىڭ ايتقاندارىن تۇگەل جوققا شىعارادى،” – دەدى قوجاعاپانوۆ.
سونداي-اق، ول فورۋم سمەتاسىن ەسەپتەگەن ساراپشىلاردىڭ ءبىرى 1000 دوللار العانىن، ال ەكىنشىسى بۇعان دەيىن مەملەكەتتىك ساتىپ الۋلارعا قاتىسۋ كەزىندە ادال ەمەس دەپ تانىلعانىن ايتتى. ءبىراق بۇل جايتتار تەرگەۋدە ەسكەرىلمەگەن.
قوجاعاپانوۆتىڭ سوزىنشە، كۋالار انتيكور قىزمەتكەرلەرىنىڭ قىسىمى مەن قورقىتۋىنا ۇشىراعان. ول بۇل قىزمەتكەرلەردىڭ جۇمىستان بوساتىلۋىن تالاپ ەتتى.
“مەن ەشكىمنىڭ تۇرمەدە وتىرعانىن قالامايمىن، ءبىراق بۇل ادامدار جۇمىستان كەتۋى كەرەك. ولار انتيكوردىڭ بەدەلىنە نۇقسان كەلتىرۋدە. ولار – ازاپتاۋ، بوپسالاۋ، پارا بەرۋ مەن الۋ، بالانى قاۋىپكە قالدىرۋ، باسپانانىڭ جەكە قولسۇعىلماۋشىلىعىن بۇزۋ سياقتى التى باپ بويىنشا جاۋاپقا تارتىلۋى كەرەك،” – دەدى ول.
قوجاعاپانوۆ 2،3 ملرد تەڭگە كولەمىندەگى جوبانى قارجىلاندىرۋعا قول قويعانىن جوققا شىعارمايدى، ءبىراق بۇل تەك فورمالدى ءراسىم بولعانىن، بارلىق ەسەپتەر پروفيلدىك كوميتەتپەن جاسالىپ، مينيستر مەن قارجى مينيسترلىگىمەن كەلىسىلگەنىن ايتتى.
“ەگەر ۆيسە-مينيسترلەر سمەتانى تەكسەرۋى كەرەك بولسا، ونى لاۋازىمدىق نۇسقاۋلىققا ەنگىزۋ قاجەت. مەن تەك بەكىتىلگەن قۇجاتقا قول قويدىم. بۇل – مەنىڭ مىندەتىم،” – دەدى ول.
سوتتاعى باستى سۇراقتاردىڭ ءبىرى – قوجاعاپانوۆ Success كومپانياسىن فورۋمى ۇيىمداستىرۋ ءۇشىن لوببيلەدى مە؟ بۇعان ول جاۋاپ بەردى:
“مەن بۇل كومپانيانى لوببيلەگەن جوقپىن. 14 مامىرداعى جينالىستا باسقا بالامالار قارالمادى. Success جالعىز ۇمىتكەر بولدى، ونى كوميتەتتىڭ ءوزى ۇسىندى. مەن تەك سول شەشىممەن كەلىستىم،” – دەدى ول.
ونىڭ ايتۋىنشا، Successء-تىڭ قاجەتتى تاجىريبەسى مەن تەحنيكالىق مۇمكىندىكتەرى بولعان. ال كومپانيامەن بايلانىستى كۇدىك تۋعىزاتىن حات الماسۋلاردا قوجاعاپانوۆتىڭ اتى مۇلدە كەزدەسپەيدى.
قوجاعاپانوۆتىڭ ايتۋىنشا، فورۋمعا بولىنگەن قاراجاتقا ءوتىنىم بەرۋ – ونىڭ مىندەتى بولعان، ءبىراق تەك مينيستر بەكىتىپ، ۇكىمەتكە جولداعان سوڭ عانا. ال سمەتا – پروفيلدىك كوميتەتتىڭ قۇزىرىندا.
“مەندە سمەتانى تەكسەرەتىن قۇرال دا، قۇزىرەت تە بولعان جوق،” – دەدى ول.
قوجاعاپانوۆ سوتتان:
ايىپتاۋدى دالەلدەنبەگەن دەپ تانۋدى؛
جۋاسپاي مەن كوككوزوۆا اراسىنداعى حات الماسۋدى ايعاق رەتىندە قابىلداۋدى؛
تەرگەۋشىلەر، ساراپشىلار مەن كۋالاردىڭ ارەكەتتەرىن تەكسەرۋدى سۇراپ، جەكە قاۋلى شىعارۋدى تالاپ ەتتى.
“مەن ءوز كىناسىزدىگىمدى تولىق دالەلدەدىم. مەنىڭ ارەكەتتەرىمدە ەشقانداي وكىلەتتىكتى اسىرا پايدالانۋ بولعان جوق،” – دەدى ول.
ەرلان قوجاعاپانوۆ – قك 361-بابى 4-بولىگى بويىنشا ("اۋىر زارداپتارعا اكەلگەن لاۋازىمدىق وكىلەتتىكتەردى اسىرا پايدالانۋ")؛
لياززات كوككوزوۆا (Success كومپانياسىنىڭ باسشىسى) – قك 189-بابى 4-بولىگى بويىنشا ("ەرەكشە ءىرى كولەمدە سەنىپ تاپسىرىلعان مۇلىكتى يەمدەنۋ نەمەسە ىسىراپ ەتۋ").
2018 جىلى پەتروپاۆلدا قازاقستان مەن رەسەي اراسىنداعى ءوڭىرارالىق ىنتىماقتاستىق فورۋمى وتكەن. وعان قازاقستاننىڭ سول كەزدەگى پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين قاتىسقان. فورۋمعا دايىندىق شەڭبەرىندە قالادا وقۋشىلار سارايى مەن تەننيس ورتالىعى سالىنعان. جوباعا شامامەن 1 ملرد تەڭگە بولىنگەن. قوجاعاپانوۆ بۇل ءىس بويىنشا 2024 جىلى، فورۋمنان التى جىل وتكەن سوڭ ۇستالدى.
