بٸرنەشە تەلەگرام ارنا ٸشكٸ ٸستەر مينيسترلٸگٸن باسقارعان ەرلان تۇرعىمباەۆ ۇستالعانىن حابارلاي باستادى,- دەپ حابارلايدى Dalanews.kz.
Nege.kz دەرەككٶزدەردٸڭ حابارلاۋىنشا,مۇنداي شەشٸمدٸ ارنايى پروكۋرورلار تۇرعىمباەۆقا قاتىستى 2022 جىلعى قاڭتارداعى قايعىلى وقيعاعا بايلانىستى قىزمەتتٸك ٶكٸلەتتٸگٸن اسىرا پايدالانۋ بابى بويىنشا قوزعالعان قىلمىستىق ٸس اياسىندا شىعاردى. قاڭتاردان كەيٸن ەرلان تۇرعىمباەۆ ٸشكٸ ٸستەر مينيسترلٸگٸنٸڭ باسشىسى قىزمەتٸنەن كەتٸپ, پرەزيدەنتتٸڭ كەڭەسشٸسٸ بولىپ, كەيٸن تاشكەنتكە بارىپ, شىۇ راتس باسشىسىنىڭ كەڭەسشٸسٸ بولعان ەدٸ.
ايتا كەتەيٸك, 19 ناۋرىزدان بەرٸ باق بەتتەرٸ مەن تەلەگرام ارنالار ٸشكٸ ٸستەر مينيسترٸن باسقارعان ەرلان تۇرعىمباەۆقا قاتىستى قىلمىستىق ٸس قوزعالعانىن جارىسا جازا باستاعان بولاتىن. ٸس قاڭتار وقيعاسىنا قاتىستى ەكەنٸ ايتىلدى. ال 20 ناۋرىزدا باس پروكۋراتۋرا جەلٸدە تاراعان اقپاراتتارعا قاتىستى تٷسٸنٸك بەردٸ.
بۇعان دەيٸن ٸشكٸ ٸستەر مينيسترلٸگٸن باسقارىپ وتىرعان ەرجان سەدەنوۆ تۇرعىمباەۆقا قاتىستى قىلمىستىق مينيسترلٸكتٸڭ قۇزىرىندا ەمەس ەكەنٸن ايتقان بولاتىن. وسىلايشا تۇرعىمباەۆقا قاتىستى قىلمىستىق ٸس قوزعالعانى راستالعانداي بولدى.
«بۇل ٸستٸ ٸشكٸ ٸستەر مينيسترلٸگٸ تەرگەپ جاتقان جوق. سوندىقتان قانداي ٸس, قانداي باپ بويىنشا ٸس جٷرٸپ جاتقانىنا پٸكٸر بٸلدٸرە المايمىن», - دەگەن ەدٸ سەدەنوۆ مەجٸلٸس كۋلۋارىندا.
بٸراق ارتىنشا باس پروكۋراتۋرا ەرلان تۇرعىمباەۆتى جەنە پوليتسييا ورگاندارىنىڭ باسقا دا باسشىلارىن قىلمىستىق قۋدالاۋ تۋرالى تٷرلٸ تەلەگرام-ارنالاردا تاراتىلعان اقپاراتقا قاتىستى پٸكٸر بٸلدٸردٸ.
ۆەدومستۆو مەلٸمەتٸنشە, 2022 جىلدىڭ باسىنان باستاپ باس پروكۋراتۋرا قاڭتار وقيعالارى كەزەڭٸندە قۇقىقتىق تەرتٸپ پەن قاۋٸپسٸزدٸكتٸ قامتاماسىز ەتپەۋگە, سونداي-اق ازاماتتارعا ازاپتاۋدى قولدانۋعا بايلانىستى كٷش ورگاندارىنىڭ قىزمەتكەرلەرٸنە قاتىستى تەرگەپ-تەكسەرۋلەردٸ ەلٸ دە جالعاستىرىپ جاتىر. ولاردى جاساعانى ٷشٸن سوتتارمەن وبلىستىق پوليتسييا جەنە ۇلتتىق قاۋٸپسٸزدٸك ورگاندارىنىڭ بٸرقاتار باسشىلارى مەن قىزمەتكەرلەرٸ سوتتالعان.
باس پروكۋراتۋرانىڭ بٷگٸنگٸ مەلٸمەتٸ بويىنشا, جٷرگٸزٸلٸپ جاتقان تەرگەپ-تەكسەرۋلەر بارىسىندا ٸشكٸ ٸستەر ەكس-مينيسترٸ ەرلان تۇرعىمباەۆتان دا جاۋاپ الىنعان. وسىلايشا باس پروكۋراتۋرا ەرلان تۇرعىمباەۆقا قاتىستى قىلمىستىق ٸس قوزعالعانى تۋرالى اقپاراتتى تەرٸسكە شىعارعانداي بولدى.
تۇرعىمباەۆ جەنە قاڭتار وقيعاسى
بىلتىر قاڭتاردا باس پروكۋرور بەرٸك اسىلوۆ 20 مىڭ تەرروريست سول كٷيٸ تابىلماعانىن ايتقان بولاتىن. ال ونىڭ الدىندا 2022 جىلعى 9 قاڭتاردا قازاقستان رەسپۋبليكاسىنىڭ بۇرىنعى ٸشكٸ ٸستەر مينيسترٸنٸڭ مٸندەتٸن اتقارۋشى بولعان ەرلان تۇرعىمباەۆ قاڭتارداعى تەرتٸپسٸزدٸكتەر كەزٸندە الماتىعا 20 مىڭعا جۋىق لاڭكەس كەلگەنٸن حابارلاعان ەدٸ.
كەيٸننەن قاڭتار وقيعاسىنان كەيٸن جاپپاي تەرتٸپسٸزدٸكتەردٸ ۇيىمداستىردى دەپ ايىپتالعان پولكوۆنيك رۋسلان ىسقاقوۆ ەرلان تۇرعىمباەۆ شىنايى فاكتٸلەردٸ بۇرمالاپ, ٶز جاۋاپكەرشٸلٸگٸنەن جالتارىپ, جاپپاي تەرتٸپسٸزدٸكتەردٸ ۇيىمداستىرۋشى رەتٸندە ارمان جۇماگەلديەۆتٸ كٶرسەتكەنٸن ايتتى.
«بۇل ويعا قونىمسىز جەنە مٷمكٸن ەمەس نەرسە: ول قازاقستانعا 2021 جىلدىڭ 17 جەلتوقسانىندا قىزىنىڭ دەنساۋلىق جاعدايىنا بايلانىستى عانا كەلسە, ول نەنٸ, قالاي ۇيىمداستىرىپ ٷلگەرەدٸ? ودان بٶلەك, 2017-2021 جىلدارى قازاقستانعا ەر كەلگەنٸن ٸٸم-مەن ماقۇلداپ وتىراتىن. سوڭعى كەلگەنٸن دە جۇماگەلديەۆ تۇرعىمباەۆپەن ماقۇلداپ, وعان دەلەل رەتٸندە 2021 جىلى 17 جەلتوقساندا سٶيلەسكەندەرٸن كٶرسەتۋگە بولادى», - دەدٸ پولكوۆنيك رۋسلان ىسقاقوۆ.
ودان بٶلەك, ەرلان تۇرعىمباەۆ "ديكيي ارماننىڭ" قاڭتاردا قازاقستانعا ەركٸن كٸرۋٸن قامتاماسىز ەتكەن دەگەن اقپارات تارادى.
