بٷگٸن الماتى قالاسىندا بەلگٸلٸ اكتەر دجەكي چاننىڭ قاتىسۋىمەن تٷسٸرٸلەتٸن Armour of God: Ultimatum («دوسپەحي بوگا: ۋلتيماتۋم») حالىقارالىق كٶركەم فيلمٸنٸڭ ٶندٸرٸسٸن رەسمي تٷردە باستاۋ رەسٸمٸ ٶتتٸ, دەپ حابارلايدى dalanews.kz.
سالتاناتتى ٸس-شاراعا قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا, الماتى قالاسىنىڭ ەكٸمٸ دارحان ساتىبالدى, الماتى وبلىسىنىڭ ەكٸمٸ مارات سۇلتانعازيەۆ, سونداي-اق قازاقستاندىق جەنە حالىقارالىق كينويندۋسترييا ٶكٸلدەرٸ قاتىستى.
ٷكٸمەت باسشىسىنىڭ ورىنباسارى دجەكي چاننىڭ قازاقستان مەن قىتاي اراسىنداعى مەدەني-گۋمانيتارلىق بايلانىستاردى دامىتۋعا قوسىپ وتىرعان ٷلەسٸن جوعارى باعالادى.
«قازاقستان مەدەنيەتٸن ەلەمدٸك ارەنادا تانىتۋعا جەنە ەكٸ ەل اراسىنداعى مەدەني-گۋمانيتارلىق بايلانىستى نىعايتۋعا قوسىپ وتىرعان ٷلەسٸڭٸز ٷشٸن سٸزگە العىس بٸلدٸرەمٸن. الداعى تٷسٸرٸلٸم جۇمىستارىنا سەتتٸلٸك, جاڭا شىعارماشىلىق تابىستار تٸلەيمٸن», – دەدٸ ايدا بالاەۆا.
كەزدەسۋ بارىسىندا دجەكي چان الماتىنىڭ تالانتتى جاس سۋرەتشٸلەرٸمەن جەنە ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ تٷلەكتەرٸ – جاس كينەماتوگرافيستەرمەن ەڭگٸمەلەستٸ. ول جاستارعا شىعارماشىلىق جولدا تابىس تٸلەپ, ٷزدٸكسٸز ٸزدەنٸس پەن ٶز ٸسٸنە دەگەن سٷيٸسپەنشٸلٸكتٸڭ ماڭىزىن اتاپ ٶتتٸ. كەزدەسۋ سوڭىندا بالالار ەيگٸلٸ اكتەرگە ٶزدەرٸ سالعان پورترەتتەردٸ تارتۋ ەتتٸ.
ٸس-شارا سوڭىندا قاتىسۋشىلار دەستٷرلٸ تٷسٸرٸلٸم تاقتايشاسىمەن ەستەلٸك سۋرەتكە تٷستٸ. وسىلايشا فيلم ٶندٸرٸسٸنٸڭ رەسمي باستالعانى ايشىقتالدى.
جوبا قر مەدەنيەت جەنە اقپارات مينيسترلٸگٸنٸڭ جەنە قىتايدىڭ مەملەكەتتٸك كينوكومپانيياسى China Film Group Corporation-نىڭ قولداۋىمەن جٷزەگە اسىرىلۋدا. فيلم ٶندٸرٸسٸمەن قازاقستاندىق Sەlem Entertainment كومپانيياسى جەنە گونكونگتىق Billion Target كومپانيياسى اينالىسادى.
فيلم تٷسٸرٸلٸمٸ 2026 جىلعى شٸلدە مەن قازان ايلارى ارالىعىندا قازاقستان اۋماعىندا ٶتەدٸ. كارتينانىڭ قويۋشى رەجيسسەرٸ – قازاقستاندىق روبەرت كۋن. تۋىندى كەڭ حالىقارالىق پروكاتقا باعىتتالعان. نەگٸزگٸ تٷسٸرٸلٸم الاڭدارى الماتى قالاسىندا, الماتى جەنە ماڭعىستاۋ وبلىستارىندا ورنالاسادى.
بۇل جوبا قازاقستان ٷشٸن ستراتەگييالىق ەرٸ يميدجدٸك تۇرعىدان ماڭىزدى. ونىڭ جٷزەگە اسىرىلۋى ەلٸمٸزدٸڭ مەدەني, تۋريستٸك جەنە ينۆەستيتسييالىق ەلەۋەتٸن ٸلگەرٸلەتۋگە, كينوتۋريزمدٸ دامىتۋعا, حالىقارالىق ىنتىماقتاستىقتى نىعايتۋعا جەنە قازاقستاندى ەلەمدٸك دەڭگەيدەگٸ ٸرٸ كينوجوبالاردى تٷسٸرۋگە قولايلى زاماناۋي الاڭ رەتٸندە كەڭٸنەن تانىتۋعا ىقپال ەتەدٸ.
