12 شىلدەدە دجەكي چاننىڭ كوپتەن كۇتكەن جاڭا "اڭىز" اتتى ءفيلمى پروكاتقا شىقتى، دەپ حابارلايدى Dalanews.kz.
ءفيلمنىڭ سوڭىندا ديماش قۇدايبەرگەننىڭ ورىنداۋىنداعى "This Love" ("بۇل ماحاببات") ساۋندترەگى شىرقالادى. ترەك 5 شىلدەدە مۋزىكالىق پلاتفورمالارعا شىقتى.
Dimashnews.com پورتالىنىڭ مالىمەتىنشە، دجەكي چاننىڭ ءوزى باستى ءرولدى سومداعان جاڭا ءفيلمنىڭ تاريحى ارحەولوگ دجەك تۋرالى جانە ونىڭ شاكىرتتەرىمەن بىرگە ارمان الەمى مەن شىندىق اراسىندا كوپىر قىزمەتىن اتقاراتىن ارتەفاكتتى قالاي تاپقانى تۋرالى باياندايدى. ارحەولوگ مۇزدىق قازبالارى كەزىندە تابىلعان جادىگەرلەردىڭ تەكستۋراسى تۇسىندە كورگەن نەفريت كۋلونىن ەسكە تۇسىرەتىنىن ايتادى…
“This Love” ءانىن دجەكي چانمەن ۇزاق جىلدار بويى جۇمىس ىستەگەن وسكاردىڭ مۋزىكالىق تورەشىسى، ماەسترو ناتان ۆانگ جازعان. جاڭا ءان ۆان مىرزا مەن ديماشتىڭ ءۇشىنشى بىرلەسكەن تۋىندىسى.
2020 جىلى ديماش “اۆانگارد” فيلمىنە “Happy” ساۋندترەگىن ورىندادى.
ءۇش جىلدان كەيىن قازاقستاندىق مۋزىكانت قىتايداعى “Golden Panda” سىيلىعىندا ونەر كورسەتىپ، وندا ول ايگىلى جۇڭگو ءانشىسى ۆەي ۆەيمەن بىرگە ماەسترو ناتان جازعان “Join Hands” اتتى سىيلىقتىڭ باستى مۋزىكالىق تاقىرىبىن ورىندادى.
ناتان ۆانگ DimashNews رەداكتورلارىمەن ديماشپەن كەزدەسۋ تاريحىمەن جانە بىرلەسىپ جۇمىس ىستەگەن كەزدەگى قىزىقتى ساتتەرىمەن ءبولىستى.
