ۇستىمىزدەگى جىلدىڭ 23-25 ءساۋىرى ارالىعىندا تۇركيانىڭ ستامبۇل قالاسىندا «قوعامدىق ديپلوماتيا، مەديا، اقپارات» تاقىرىبىنا تاقىرىبىنا IV دۇنيەجۇزىلىك تۇركى فورۋمى وتكىزىلەدى.
چاناككالە قۇرباندارىنا انالعان تۇركى فورۋمىنا باس دەمەۋشىلىكتى تۇركى اكادەمياسى جاساپ وتىر. قازاقستاننان اراتىن قاتىسۋشىلاردىڭ جول شىعىنىنا «ەير استانا» كومپانياسى ارنايى جەڭىلدىك جاساعان.
جەر شارىنىڭ 60-تان استام ەلىنەن ساياساتكەرلەر، مادەنيەت قايراتكەرلەرى، ديپلوماتيالىق قىزمەتتەر، ۇكىمەتتىك ەمەس ۇيىمدار، عالىمدار مەن بۇقارالىق اقپارات قۇرالدارى وكىلدەرى باس قوساتىن حالىقارالىق شارانىڭ باستى ۇيىمداستىرۋشىسى – TASAM ستراتەگيالىق زەرتتەۋلەر ورتالىعى. فورۋمنىڭ العاشقى كۇنى «قىزىل الما سىيلىعىنىڭ» يەگەرلەرىن ماراپاتتاۋ ءراسىلى ۇيىمداستىرىلماق.
ال جۇما كۇنگى فورۋمعا تۇركى كەڭەسىنىڭ كەڭەسشىسى حاليل اكىندجى، تۇركى اكادەمياسىنىڭ پرەزيەنتى دارحان ءقىدىرالى قاتىسادى.
ءوز كەزەگىندە TASAM ۇيىمىنىڭ باسشىسى سۇلەيمەن شەنسوي: «دۇنيەجۇزىلىك تۇركى فورۋمى الەمنىڭ تۇكىپىر-تۇكىپىرىندەگى تۇركى ۇلتتارى مەن ۇلىستارىنا قاتىستى تۇيتكىلدەردى كۇن تارتىبىنە شىعارىپ، جان-جاقسى تالقىلاۋعا مۇمكىندىك بەرەدى.
بيىلعى جيىن چاناككالەدە وتاندى قورعاۋ سوعىسىندا قازا تاپقان قۇرانداردى ەسكە الۋعا ارنالادى. تۇركى مەملەكەتتەرى مەن دياسپورالارىنىڭ ءتىل، ءدىل، تاريحى مەن جاعراپياسىن چاناككالە رۋى نەگىزىندە تالقىعا سالامىز. بۇل ديپلوماتيالىق جولدار ارقىلى ب ا ق پەن اقپاراتتىق كەڭىستىكتى نىعايتۋعا سەپ بولارى انىق»، – دەيدى.
ءنازيا جويامەرگەن قىزى
