وتكەن اپتا فەدەرالدى قوردىڭ بازالىق ۇستەمەنى 0،5-0،75 پايىز ارالىعىنا كوتەرۋ تۋرالى شەشىمىنەن كەيىن اقش ۆاليۋتاسى كۇرت قىمباتتاعان ەدى. ال وسى اپتا باسىن ارزانداۋمەن باستاعانىنىڭ سەبەبىن ساراپشىلار ينۆەستورلاردىڭ جىل سوڭىنداعى پايدانى بولىسۋىمەن بايلانىستىرادى.
ال مۇناي باعاسى وتكەن اپتا دوللاردىڭ قىمباتتاعانىنا بايلانىستى ازداپ ارزانداعان ەدى. ال بۇگىن استانا ۋاقىتىمەن 11:30-دا لوندون قور بيرجاسىنداعى قارا التىن قۇنى 0،7 پايىزعا قىمباتتاپ، باررەلىنە 55،5 دوللاردان استى. مۇنايدىڭ قىمباتتاۋ سەبەبىن ماماندار وپەك+ (ۇيىمعا مۇشە جانە مۇشە ەمەس ەلدەر) كەلىسىمى بويىنشا كەلەر جىلى ءوندىرىستى ازايتۋ تۋرالى كەلىسىمىنىڭ ىسكە اساتىنىنا نارىقتىڭ ىڭعايلانۋىمەن تۇسىندىرەدى.
"ەگەمەن قازاقستان" گازەتى
