اكتەر دجەكي چان سەنبىدە كينەماتوگرافياعا قوسقان ەلەۋلى ۇلەسى ءۇشىن «وسكار»  سىيلىعىن الدى (Academy Honorary Award)، دەپ حابارلايدى تاسس امەريكالىق كينو ونەرى اكادەمياسىنىڭ حابارلاماسىنا سىلتەمە جاساپ. ماراپاتتى لوس-اندجەلەستەگى (كاليفورنيا شتاتى) Hollywood and Highland Center ويىن-ساۋىق كەشەنىندە ارنايى سالتاناتتى كەشتە تاپسىردى. 

باستاپقىدا بۇلار «وسكار» سىيلىعىمەن ماراپاتتاۋدىڭ نەگىزگى ءراسىمى كەزىندە تاپسىرىلىپ جۇرگەن. ءبىراق كەيىننەن  ماڭىزدىلىعىن ەرەكشەلەندىرۋ ءۇشىن ارنايى كەش وتكىزىلدى. «وسكار» سىيلىىعىن العان سوڭ، بۇكىل الەمگە تانىمال شىعىس جەكپە-جەگىنىڭ شەبەرى ءوزىنىڭ كينەماتوگرافياداعى ۇزاق جىلعى جەمىستى ەڭبەگىنە  قاراماستان بۇل ماراپاتتى كۇتپەگەندىگىن ايتتى. اكادەميا دجەكي چاننان بولەك  امەريكالىق رەجيسسەر-دوكۋمەنتاليست فرەدەريك ۆايسمانعا، كاستينگ-ديرەكتور لينن ستالماستەرگە، سونداي-اق بريتاندىق ايەل - مونتاج جاساۋشى  ەنن كوۋتسقا مۇسىنشەلەر تابىستادى. Forbes جۋرنالىنىڭ دەرەكتەرى بويىنشا، 62 جاستاعى دجەكي چان الەمدەگى ەڭ جوعارى جالاقى تاباتىن اكتەرلەردىڭ رەيتينگىندە ەكىنشى ورىندا (61 ملن دوللار).

 

دەرەككوزى: inform.kz