دەپۋتات داۋلەت تۇرلىحانوۆتىڭ ۇلى نۇراسىل بولات جازاسىن كولونيادا وتەيتىن بولدى، دەپ حابارلايدى Dalanews.kz.
الماتى قالالىق سوتى ونىڭ اپەللياسيالىق شاعىمىن قاناعاتتاندىرمادى.
"سوت شەشىمى وزگەرىسسىز قالدى"، - دەلىنگەن حابارلامادا.
21 قازاندا سوت پروباسيالىق رەجيمدى بۇزعان نۇراسىل بولاتتىڭ باس بوستاندىعىن شەكتەۋ جازاسىن 1 جىل 5 ايعا باس بوستاندىعىنان ايىرۋ جازاسىنا اۋىستىرعان بولاتىن.
ول جازاسىنىڭ قالعان مەرزىمىن – ءبىر جارىم جىلدان از ۋاقىتتى – قاۋىپسىزدىگى ورتاشا كولونيادا وتكىزەدى.
ايتا كەتەيىك، بۇعان دەيىن الماتىدا اسكەري قىزمەتكەر بەلگىلى ادۆوكاتتى سوققىعا جىققانى حابارلانعان. بۇل وقيعا 11 اقپانعا قاراعان ءتۇنى الماتىنىڭ ساۋدا ورتالىقتارىنىڭ ءبىرىنىڭ ماڭىنداعى پاركينگتە بولعان. ءىس قوعامدىق داۋ تۋدىردى.
بۇل وقيعا تۋرالى ادۆوكات ولەگ چەرنوۆتىڭ ايەلى اننا دميترييەۆيچ Facebook-پاراقشاسىندا جازعان. ولار تاكسيگە وتىرا بەرگەندە ءبىر جىگىت جۇگىرىپ كەلىپ، سوققىعا جىعىلعان قىزعا كومەكتەسۋىن سۇراعان.
ال كەيىن ادۆوكاتتى سوققىعا جىققان اسكەري قىزمەتكەر گرەك-ريم كۇرەسىنەن قازاقستاندىق جانە بۇرىنعى كەڭەس وداعىنىڭ پالۋانى داۋلەت تۇرلىحانوۆتىڭ ۇلى بولىپ شىقتى. بۇل اقپاراتتى تۇرلىحانوۆتىڭ ءوزى راستاعان بولاتىن. ول ۇلىنا قاتىستى داۋعا كوزقاراسىن ءبىلدىرىپ، كەشىرىم سۇرادى.
9 قازاندا سوت نۇراسىل بولاتتى وزىنە تاعىلعان قىلمىستى جاساعانى ءۇشىن كىنالى دەپ تاۋىپ، 1 700 000 تەڭگە كولەمىندە ايىپپۇل سالدى. 2024 جىلعى 14 مامىردا جوعارعى سوت ءىستى كاسساسيالىق تارتىپتە قاراپ، ۇكىمدى وزگەرتتى. تۇرلىحانوۆتىڭ ۇلىنا ەكى جىل باس بوستاندىعىنان شەكتەۋ جازاسى تاعايىندالىپ، وتەماقى مولشەرى ۇلعايتىلدى.
